Read njo ZÜNGDANGBA 29 Bible Online

ZÜNGDANGBA 29 - njo bible

ZÜNGDANGBA 29

¹“Aser ita tenetbuba mezüng anogo nung nenok temeshi sentep ka akatsüla, aser mapa kecha meinyaktsüla. Nenok asoshi ibai jangzü apuba anogoji lir.

²KIBUBA dang teronem asoshi tarak maket nashi pungchi ka, san tepung ka aser küm ka chanu san tepung tenet tarongba tenla agütsütsüla.

³Ano parnok chiyungtsü tenla asoshi amzü tanük totzü den meyokteper nashi pungchi ka asoshi jangku asem, san tepung ka asoshi jangku ana,

⁴aser san chanu tenet shia jangku ka ka.

⁵Iba dak alaka ne menen pungitsü asoshi nabong tepung ka tenlatsüla.

⁶Ano iba dak alaka ita tasen aser anogo shia tarongba tenla aser chiyungtsü aser tajemtsü tenla yimsü ozüng amato KIBUBA dang teronem tajung asoshi mi agi tenlatsüla.

⁷ “Aser ita tenetbuba anogo tenetbuba nung nenok temeshi sentep ka akatsü. Iba nungji nenok sasa mapa nungi ajemalua aser mapa kecha teinyak.

⁸Nenoki KIBUBA dang teronem tajung asoshi tarak maket nashi pungchi chanu ka, tepung ka aser küm ka chanu san tepung tenet tenla agütsütsüla.

⁹Nashi pungchi denji amzü tanük totzü den meyokteper jangku asem; san tepung denji amzü jangku ana;

¹⁰aser san chanu ka ka shia jangku ka ka.

¹¹Iba den ano temenen pungiba tenla asoshi nabong ka, ibaji maneni ronga aliba aser temeim tenla chiyungtsü aser tajemtsü tenla dak tali agütsütsüla.

¹²“Ita tenetbuba anogo terpungububa nung nenoki temeshi sentep ka akatsüla, aser mapa kecha meinyaktsüla. KIBUBA atema nenoki anogo tenetnü tashi benjong alitsü.

¹³KIBUBA dang teronem tajung asoshi mi agi tenlatsüla. Tarongba tenla asoshi tarak maket nashi pungchi chanu terasem, san tepung ana, aser küm ka chanu san tepung terpezü

¹⁴Nashi pungchi terasem shia ka ka den chiyungtsü tenla asoshi amzü tanük totzü den meyokteper jangku asem, san tepung ana ka ka shia jangku ana;

¹⁵aser san tepung chanu terpezü ka ka shia jangku ka.

¹⁶Maneni tarongba tenla den chiyungtsü aser tajemtsü tenla asoshi nabong tepung ka agütsütsüla.

¹⁷“Tananübuba nung nashi pungchi tarak maket terana, san tepung ana aser küm ka chanu san tepung terpezü tenlatsüla.

¹⁸Parnok chiyungtsü aser tajemtsü tenla asoshi lateta akaba ama nashi pungchi san tepung aser san chanu asoshi amzüji tenlatsüla.

¹⁹Aser maneni tarongba tenla den chiyungtsü aser tajemtsü tenla dak alaka temenen tenla asoshi nabong tepung ka agütsütsüla.

²⁰“Tasemnübuba nung tarak maket nashi pungchi terka, san tepung ana, aser küm ka chanu san tepung terpezü renemtsüla.

²¹Nashi pungchi, san tepung aser san chanutem den chiyungtsü aser tajemtsü tenla asoshi yimsü ozüng nung aliba ama tatakzük renemtsüla.

²²Aser maneni tarongba tenla den chiyungtsü aser tajemtsü tenla dak alaka temenen tenla asoshi nabong tepung ka agütsütsüla.

²³“Aser pezünübuba nung tarak maket nashi pungchi ter, san tepung ana, aser küm ka chanu san tepung terpezü renemang.

²⁴Nashi pungchi, san tepung aser san chanutem den chiyungtsü aser tajemtsü tenla asoshi yimsü ozüng nung aliba ama tatakzük renemtsüla.

²⁵Aser maneni tarongba tenla den chiyungtsü aser tajemtsü tenla dak alaka temenen tenla asoshi nabong tepung ka agütsütsüla.

²⁶“Pungunübuba nung tarak maket nashi pungchi tuku, san tepung ana, aser küm ka chanu san tepung terpezü renemang.

²⁷Nashi pungchi, san tepung aser san chanutem den chiyungtsü aser tajemtsü tenla asoshi yimsü ozüng nung aliba ama tatakzük renemtsüla.

²⁸Aser maneni tarongba tenla den chiyungtsü aser tajemtsü tenla dak alaka temenen tenla asoshi nabong tepung ka agütsütsüla.

²⁹“Anogo troknübuba nung tarak maket nashi pungchi ti, san tepung ana, aser küm ka chanu san tepung terpezü renemang.

³⁰Nashi pungchi, san tepung aser san chanutem den chiyungtsü aser tajemtsü tenla asoshi yimsü ozüng nung aliba ama tatakzük renemtsüla.

³¹Aser maneni tarongba tenla den chiyungtsü aser tajemtsü tenla dak alaka temenen tenla asoshi nabong tepung ka agütsütsüla.

³²“Anogo tenetnübuba nung tarak maket nashi pungchi tenet, san tepung ana, aser küm ka chanu san tepung terpezü renemtsüla.

³³Nashi pungchi, san tepung aser san chanutem den chiyungtsü aser tajemtsü tenla asoshi yimsü ozüng nung aliba ama tatakzük renemang.

³⁴Aser maneni tarongba tenla den chiyungtsü aser tajemtsü tenla dak alaka temenen tenla asoshi nabong tepung ka agütsütsüla.

³⁵“Anogo tinübuba nung nenoki temeshi sentep ka akatsüla, aser mapa kecha teinyak.

³⁶KIBUBA dang mi agi tenlaba teronem tanang asoshi tarak maket nashi pungchi ka, san tepung ka, aser küm ka chanu san tenet tarongba tenla agütsütsüla.

³⁷Nashi pungchi, san tepung aser san chanutem den chiyungtsü aser tajemtsü tenla asoshi yimsü ozüng nung aliba ama tatakzük renemang.

³⁸Aser maneni tarongba tenla den chiyungtsü aser tajemtsü tenla dak alaka temenen tenla asoshi nabong tepung ka agütsütsüla.

³⁹“Nenok tatemzükba tenla, temulunger tenla; tarongba tenla; chiyungtsü tenla; tajemtsü tenla aser yimjung tenla dak alaka itemi KIBUBA dang nenoki tenlatsüla.”

⁴⁰KIBUBAi Mosa dang melaba ama pai Israel chirtem dang ajak ashi.