Read njo ZÜNGDANGBA 33 Bible Online

ZÜNGDANGBA 33 - njo bible

ZÜNGDANGBA 33

¹Mosa aser Aron nati anir Israel nungertem Ijip lima nungi adoker aodang parnok telok amungdak itemi lir.

²KIBUBAi melaba ama parnok amungdak Mosai zülua ayu, aser ibai parnok munga munga senzüdak tesem balalaji lir:

³Israel nungertem mezüng ita anogo ter-pungunübuba süia aoba benjong sür tasüngji Ramses nungi apuso. Parnoki tasü ita Ijip nunger ajaki ngua apuso.

⁴Kodang Ijip nungertem pei mezüng asobatem shir KIBUBAi tepset, idangji parnok renemya liasü. KIBUBAi ano parnok tsüngremtem madak temerenshi agütsü.

⁵Israel nungertemi Ramses toktsür Sukkoti arua anen.

⁶Aser parnoki Sukkot nungi aenshia oa Etham arembang nung anen.

⁷Parnoki Etham toktsür Baal-Zefon anüdoklen Pihahiroti meyip aser Migdol nung anen.

⁸Parnoki Pihahirot toktsür tzüyim ajanga aremi ao aser kodang parnoki Ethem arem nung anogo asemnü jajar Mara nung anen.

⁹Ano parnoki Mara toktsür Elimi ao, kodang ayongnu terana aser asangdong neter liasü parnoki idakji anen.

¹⁰Parnoki Elim toktsür Temerem Tzüyim anasa anen.

¹¹Temerem Tzüyim toktsür ano parnoki Sin arem nung anen.

¹²Aser Sin arem toktsür parnoki Dofka nung anen.

¹³Dofka toktsür parnoki Alus nung anen.

¹⁴Alus toktsür parnoki Refidim nung anen. Yangji nüburtemi tajemtsü tzü mungutet.

¹⁵Refidim toktsür parnoki Sinai arem nung anen.

¹⁶Sinai toktsür parnoki Kibrothhattaava nung anen.

¹⁷Kibrothhattaava toktsür parnoki Hazerot nung anen.

¹⁸Hazerot toktsür parnoki Rithma nung anen.

¹⁹Rithma toktsür parnoki Rimmonperez nung anen.

²⁰Rimmonperez toktsür parnoki Libna nung anen.

²¹Libna toktsür parnoki Rissa nung anen.

²²Rissa toktsür parnoki Kehelatha nung anen.

²³Kehelatha toktsür parnoki Shefer tenem nung anen.

²⁴Shefer tenem toktsür parnoki Harada nung anen.

²⁵Harada toktsür parnoki Makhelot nung anen.

²⁶Makhelot toktsür parnoki Tahat nung anen.

²⁷Tahat toktsür parnoki Tera nung anen.

²⁸Tera toktsür parnoki Mithka nung anen.

²⁹Mithka toktsür parnoki Hashmona nung anen.

³⁰Hashmona toktsür parnoki Moserot nung anen.

³¹Moserot toktsür parnoki Benejaakan nung anen.

³²Bene-jaakan toktsür parnoki Horhaggidgad nung anen.

³³Hor-haggidgad toktsür parnoki Yothatha nung anen.

³⁴Yotbatha toktsür parnoki Abrona nung anen.

³⁵Abrona toktsür parnoki Ezion-geber nung anen.

³⁶Eziongeber toktsür parnoki Zin lisem (aji kadesh) lima arem nung anen.

³⁷kadesh toktsür parnoki Edom linük tatembang Hor tenem nung anen.

³⁸ KIBUBAi melaba ama Aron putir Hor tenemi atu aser idakji asü. Aji Israel nungertem Ijip nungi adoker küm lirbuba ita pungububa mezüng anogo liasü.

³⁹Aser Aron asüdang pa arishi küm noklang ka metsür asem liasü.

⁴⁰ Tang Kanan nunger chuba Arad, shiba Negeb nung liasü, pai Israel nungertem aruba angashi.

⁴¹Aser Hor tenem toktsür parnoki Zalmonai aru.

⁴²Zalmona toktsür parnoki Punon nung anen.

⁴³Punon toktsür parnoki Oboti aru.

⁴⁴Obot toktsür parnoki Moab arrtsü nung Iyeabarimi aru.

⁴⁵Iyeabarim toktsür parnoki Dibon-gad nung anen.

⁴⁶Dibon-gad toktsür parnoki Almon Diblathaim nung anen.

⁴⁷Almon Diblathaim toktsür parnoki Nebo madang Abarim tenem nung anen.

⁴⁸Abarim tenem toktsür parnoki Yordan anasa Yeriko nung Moab lenten nung anen.

⁴⁹Aser parnok tanendakji Moab lenten nung Yordan süia Beth-yeshimot nungi Abel-shittim tashi liasü.

⁵⁰Idangji Yordan anasa Moab lenten Yeriko nung KIBUBAi Mosa dang ashi,

⁵¹“Israel chirtem dang shiang; kodang nenoki Yordan ajanga Kanan limai idir,

⁵²nenok jakdang aliba nisung ajakji aridoktsüla. Parnoki lung agi angentetba aser merang agi yangluba süngyanglutem aser parnok tokong tekülemdak ajak anüka raksatsütsüla.

⁵³Aser nenoki linükji agia yangji liang, kechiaser alinükji ni nenok nem agütsüogo.

⁵⁴ An tokdangba agi nenoki alimaji kidong shia lemsatsüla. Telok tuluba nem tuluba aser tilaba nem tilaba ta lemsatsüla. An tokdangba agi kechi adokdir aji parnok shilem asütsü. Nenoki tebouren kidong telemsa agi aji amangtsü.

⁵⁵Saka yangji alirtem linük nungi nenoki maridokra, nenoki shir lidaktsütsü melar, parnokji nenok tenük nung anak ama aser nenok tesa nung ai amai alitsü. Nenok alitsüba linük nungji parnoki nenok nem timtem agütsütsü.

⁵⁶Aser ni parnok dang kechi benshitsü liasü aji nenok dak benshitsü.”