Read njo ZÜNGDANGBA 7 Bible Online

ZÜNGDANGBA 7 - njo bible

ZÜNGDANGBA 7

¹Kodang Mosai tekülemdak sükiji renem, idakji aliba oset ajakji meshiteta pai totzü mezütsü. Ano tenladak amshiba marok-enrok ajak dak totzü mezüja pai meshitet.

²Iba sülen Israel nung tanishirtem, kinungertem, tekolaktem, aser kidong shia nütsüng yongsük züngdangba madak tanishirtemi tenla agütsü.

³KIBUBA dang tenlatsü asoshi parnoki talungtsü trok aser nashi pungchi terana, tanishir shia asoshi nashi pungchi ka ka; tanishir ana asoshi talungtsü ka ta bener aru. Parnoki itemji tekülemdak süki madang agütsü.

⁴Aser KIBUBAi Mosa dang ashi,

⁵“Sentep süki nung amshitsü asoshi itemji parnok nungi agiang, aser Levitem nem nisung shia pei mapa yari itemji agüjang.”

⁶Mosai talungtsütem aser nashi pungchitemji agia aji Levitem nem agütsü.

⁷Pai Gershon jabasotem nem parnok mapa yari talungtsü ana aser nashi pungchi pezü agütsü.

⁸Merari jabasotem nem talungtsü pezü aser nashi pungchi ti, parnok mapa yari agütsü. Parnok ajakji Aron putir jabaso Ithamar kübok liasü.

⁹Saka Kohat jabasotem nem Mosai kecha magütsü, kechiaser temeshi osettemji anebalutsü aser itemji parnok tapubang nung abentsübaji parnok mapa liasü.

¹⁰Kodang tenladakji totzü mezüja meshitet, tanishirtemi parnok tenlatem meshitettsü asoshi itemji bener arua tenladak madang yutsü.

¹¹Idangji KIBUBAi Mosa dang ashi, “Tenladak meshitettsü asoshi anogo shia tanishir shiai pei tenlaji abentsüla.”

¹²Mezüng anogo nung shibai tenla agütsü, paji Yihuda kidong nungi Amminadab jabaso Nashon liasü;

¹³pa tenlaji taribi su ka odangba shekel noklang ka ser semer, aser taribi susa ka shekel neter, anapronglaji chiyungtsü tenla asoshi amzü tanük agi sünga liasü;

¹⁴teronem menemtsü agi sünga aliba shekel ter atuba hon chikok ka,

¹⁵tarongba tenla asoshi küm ka chanu nashi pungchi ka, san tepung ka, küm ka chanu san ka;

¹⁶temenen tenla asoshi nabong tepung ka,

¹⁷aser yimjung tenla asoshi nashi pungchi ana, san tepung pungu, nabong tepung pungu küm ka chanu san tepung pungu: ibai Amminadab jabaso Nashon tenla liasü.

¹⁸Tananübuba nung Issakar tanishir Zuar jabaso Nethaneli tenla;

¹⁹pai pei tenla asoshi tekülemdak amshiba amato taribi su ka shekel noklang ka ser semer, aser taribi susa ka shekel neter: anapronglaji chiyungtsü tenla asoshi totzü den meyokteper amzü tanük agi sünga liasü.

²⁰Shekel ter atuba hon susa ka teronem agi sünga liasü;

²¹nashi pungchi chanu ka, san tepung ka, tarongba tenla asoshi küm ka chanu san tepung ka,

²²temenen tenla asoshi nabong tepung ka;

²³aser yimjung tenla asoshi nashi pungchi ana, san tepung pungu, küm ka chanu san tepung pungu, nabong tepung pungu ya Zuar jabaso Nethanel tenla liasü.

²⁴Tasemnübuba nung Zebulun chirtem tanishirtem Helon jabaso Eliabi tenla;

²⁵pa tenlaji taribi su ka shekel noklang ka ser semer, aser taribi susa ka tekülemdak odangba amato shekel neter; anapronglaji chiyungtsü tenla asoshi totzü den meyoktepba amzü tanük agi sünga liasü.

²⁶Shekel ter atuba hon susa ka teronem menemtsü agi sünga;

²⁷nashi pungchi chanu ka, nabong tepung ka, tarongba tenla asoshi küm ka chanu san tepung ka;

²⁸temenen tenla asoshi nabong tepung ka;

²⁹aser yimjung tenla asoshi nashi pungchi ana, san tepung pungu, aser küm ka chanu san tepung pungu: ya Helon jabaso Eliab tenla liasü.

³⁰Pezünü buba nung Reuben chirtem tanishir Shedeur jabaso Elizuri tenla;

³¹pa tenlaji taribi su ka shekel noklang ka ser semer, aser taribi susa ka tekülemdak odangba amato shekel neter, anapronglaji chiyungtsü tenla asoshi totzü den meyoktepba amzü tanük agi sünga liasü;

³²shekel ter atuba hon susa ka teronem menemtsü agi sünga;

³³tarongba tenla asoshi nashi pungchi chanu ka, san tepung ka aser küm ka tain san chanu tepung ka;

³⁴temenen tenla asoshi nabong tepung ka;

³⁵aser yimjung tenla asoshi nashi pungchi ana, san tepung pungu, nabong tepung pungu, küm ka chanu san tepung pungu: ya Shedeur jabaso Elizur tenla liasü.

³⁶Pungunübuba nung Simeon chirtem tanishir Zurishaddai jabaso Shelumeil tenla:

³⁷pa tenlaji taribi su ka shekel noklang ka ser semer, taribi susa ka tekülemdak odangba amato shekel neter: anapronglaji chiyungtsü tenla asoshi totzü den meyoktepba amzü tanük liasü:

³⁸shekel ter atuba hon susa ka teronem menemtsü agi sünga liasü:

³⁹tarongba tenla asoshi nashi pungchi ka, san tepung ka, aser küm ka chanu san tepung ka;

⁴⁰temenen tenla asoshi nabong tepung ka;

⁴¹aser yimjung tenla asoshi nashi pungchi ana, san tepung pungu, nabong tepung pungu, küm ka chanu san tepung pungu: ya Zurishaddai jabaso Shelumeil tenla liasü.

⁴²Troknübuba nung Gad chirtem tanishir Deuel jabaso Eliasafi tenla:

⁴³pa tenlaji taribi su ka shekel noklang ka ser semer, taribi susa ka tekülemdak odangba amato shekel neter, anapronglaji chiyungtsü tenla asoshi totzü den meyoktepba amzü tanük agi sünga liasü;

⁴⁴shekel ter atuba hon susa ka teronem menemtsü agi sünga liasü;

⁴⁵tarongba tenla asoshi nashi pungchi ka, san tepung ka, aser küm ka chanu san tepung ka;

⁴⁶temenen tenla asoshi nabong tepung ka;

⁴⁷aser yimjung tenla asoshi nashi pungchi ana, san tepung pungu, nabong tepung pungu küm ka chanu san tepung pungu: ya Deuel jabaso Eliasaf tenla liasü

⁴⁸Tenetnübuba nung, Efraim chirtem tanishir Ammihud jabaso Elishamai tenla:

⁴⁹pa tenlaji taribi su ka shekel noklang ka ser semer, taribi susa ka tekülemdak odangba amato shekel neter; anapronglaji chiyungtsü tenla asoshi totzü den meyoktepba amzü tanük agi sünga liasü;

⁵⁰shekel ter atuba hon susa ka teronem menemtsü agi sünga liasü;

⁵¹tarongba tenla asoshi nashi pungchi ka, san tepung ka, aser küm ka chanu san tepung ka;

⁵²temenen tenla asoshi nabong tepung ka;

⁵³aser yimjung tenla asoshi nashi pungchi ana, san tepung pungu, nabong tepung pungu, küm ka chanu san tepung pungu: ya Ammihud jabaso Elishama tenla liasü.

⁵⁴Tinübuba nung Manase chirtem tanishir Pedahzur jabaso Gamalieli tenla:

⁵⁵pa tenlaji taribi su ka shekel noklang ka ser semer, taribi susa ka tekülemdak odangba amato shekel neter; anapronglaji chiyungtsü tenla asoshi totzü den meyoktepba amzü tanük agi sünga liasü;

⁵⁶Shekel ter atuba hon susa teronem menemba agi sünga liasü;

⁵⁷tarongba tenla asoshi nashi pungchi ka, san tepung ka, aser küm ka chanu san tepung ka;

⁵⁸temenen tenla asoshi nabong tepung ka;

⁵⁹aser yimjung tenla asoshi nashi pungchi ana, san tepung pungu, nabong tepung pungu, küm ka chanu san tepung pungu; ya Pedahzur jabaso Gamaliel tenla liasü.

⁶⁰Tukunübuba nung Benjamin chirtem tanishir Gideoni jabaso Abidani tenla:

⁶¹pa tenlaji taribi su ka shekel noklang ka ser semer, aser taribi susa ka tekülemdak odangba amato shekel neter; anapronglaji chiyungtsü tenla asoshi totzü den meyoktepba amzü tanük agi sünga liasü;

⁶²shekel ter atuba hon susa ka teronem menemtsü agi sünga,

⁶³tarongba tenla asoshi nashi pungchi ka, san tepung ka aser küm ka chanu san tepung ka;

⁶⁴temenen tenla asoshi nabong tepung ka;

⁶⁵aser yimjung tenla asoshi nashi pungchi ana, san tepung pungu, nabong tepung pungu, küm ka chanu san tepung pungu; ya Gideon jabaso Abidan tenla liasü.

⁶⁶Ternübuba nung Dan chirtem tanishir Ammishaddai jabaso Ahiezeri tenla:

⁶⁷pa tenlaji taribi su ka shekel noklang ka ser semer, aser taribi susa ka tekülemdak odangba amato shekel neter; anapronglaji chiyungtsü tenla asoshi totzü den meyoktepba amzü tanük agi sünga liasü;

⁶⁸shekel ter atuba hon susa ka teronem menemtsü agi sünga liasü,

⁶⁹tarongba tenla asoshi nashi pungchi ka, san tepung ka, küm ka chanu san tepung ka;

⁷⁰temenen tenla asoshi nabong tepung ka;

⁷¹aser yimjung tenla asoshi nashi pungchi ana, san tepung pungu, nabong tepung pungu, küm ka chanu san tepung pungu; ya Ammishaddai jabaso Ahiezer tenla alitsü.

⁷²Terkanübuba nung Asher chirtem tanishir Okran jabaso Pagieli tenla:

⁷³pa tenlaji taribi su ka shekel noklang ka ser semer, aser taribi susa ka tekülemdak odangba amato shekel neter; anapronglaji chiyungtsü tenla asoshi totzü den meyoktepba amzü tanük agi sünga liasü;

⁷⁴shekel ter atuba hon susa ka teronem menemtsü agi sünga liasü;

⁷⁵tarongba tenla asoshi nashi pungchi ka, san tepung ka, küm ka chanu san tepung ka;

⁷⁶temenen tenla asoshi nabong tepung ka;

⁷⁷aser yimjung tenla asoshi nashi pungchi ana, san tepung pungu, nabong tepung pungu, küm ka chanu san tepung pungu; ya Okran jabaso Pagiel tenla alitsü.

⁷⁸Terananübuba nung Naftali chirtem tanishir Enan jabaso Ahirai tenla:

⁷⁹pa tenlaji taribi su ka shekel noklang ka ser semer, aser taribi susa ka tekülemdak odangba amato shekel neter; anapronglaji chiyungtsü tenla asoshi totzü den meyoktepba amzü tanük agi sünga liasü;

⁸⁰shekel ter atuba hon susa ka teronem menemtsü agi sünga liasü;

⁸¹tarongba tenla asoshi nashi pungchi ka, san tepung ka, küm ka chanu san tepung ka;

⁸²temenen tenla asoshi nabong tepung ka;

⁸³aser yimjung tenla asoshi nashi pungchi ana, san tepung pungu, nabong tepung pungu, küm ka chanu san tepung pungu; ya Enan jabaso Ahira tenla alitsü.

⁸⁴Israel tanishirtemi aji totzü mezüja shimtetba anogo nung tenladak meshitetbaji ibai liasü: taribi su terana, taribi susa terana, hon po terana;

⁸⁵taribi su shia shekel noklang ka ser semer, aser susa shia shekel neter, itemji tekülemdak odangba amato, shekel meyirijang ana noklang pezü liasü;

⁸⁶teronem menemtsü agi sünga hon susa terana tekülemdak odangba shekel amato, ka ka nung shekel ter: hon susa ajakji shekel noklang ka ser metsü;

⁸⁷tarongba tenla asoshi nashi pungchi terana, san tepung terana, küm ka chanu san tepung terana, aser item asoshi chiyungtsü tenla: aser temenen tenla asoshi nabong tepung terana;

⁸⁸aser yimjung tenla asoshi nashi pungchi metsür pezü, san tepung roker, nabong tepung roker, aser küm ka chanu san tepung roker. Tekülemdakji totzü mezüja meshiteter külen tenla agütsübaji itemi liasü.

⁸⁹Kodang KIBUBA den jembitsü asoshi Mosa sentep süki-i ai, idangji taochi menden temalen Ozüng Süngden manung Cherubim ana tsüngda nungi ola jagi pa den jembiba pai angashi. Aser pai pa den jembi.