Read njo MIKA 5 Bible Online

MIKA 5 - njo bible

MIKA 5

¹Tang nenok telok telok sentepang Oh temeranger telok jala, pai asenok anema meketbanga lir; parnoki Israel o bendanger dak tenibung nung merang jok agi azüktsü.

² “Saka na Oh Bethlehem, Efrata koba Yihuda kidong rongnung densemtsü onsara tila lir, na nungi ni asoshi Israel madak yimsüsür ka adoktsü, shiba alemli mapang nungi lir.”

³Anungji shiba nusotsü kangshir, lai asoba mapang matong tashi pai parnok oda toktsütsü, aser tanüngba adianutemji Israel nunger dangi meyipa arutsü.

⁴Pa noktaktsü, aser KIBUBA tashi nung aser KIBUBA pa Tsüngrem akhüm tulu nung pai pei san telok mesütsü, aser parnok maneni alitsü; kechiaser tangbo pa ali tatem tashi tulu alitsü.

⁵Ibai asen tesünep ka asütsü, kodang Asiria nunger asen linüki aitdir. Kodang pai asen chuba kidang ajemokdir, idangji pa anema asenoki sannüker tenet, aser tongtipur ti mesotsü.

⁶ Aser parnoki nok agi Asiria linük raksatsütsü, aser Nimrod linük nok mekanger anüktsü, aser kodang Asiria asen linüki aitdir, aser asen litsü nung ajemokdir pai asenok kümzüktsü.

⁷Yakob tanüngba nisung jenti rongnung KIBUBA nungi azüngtsü ama, aser ai manung tzünglu ama alitsü, kobai nisung asoshi matasar mesüra nisung chirtem asoshi ata-a malir.

⁸Yakob tanüngba kin rongnung nisung jenti rongnung, arem shiruru rongnung molusongzü ama, aser san telok rongnung molusongzü pungtu ka ama alitsü; shibai pa ajanga süir, tekümzüktsü shinga meli-i ajemzüka yoker aser anüka shisatsür.

⁹Ne anemertem madak ne teka mekangdakjang, aser ne tsükchir ajak leptokjang.

¹⁰Iba anogo nung ya ataloktsü ta KIBUBAi ashir, “Oda ni na nungi ne kortem leptoktsütsü, aser nenok talungtsütem raksatsütsü,

¹¹aser ner lima yimtitem leptoktsü aser ner mitsatem laodaktsütsü.

¹²Aser ne ket nungi arasenba ni leptoktsütsü, aser na joko temezünger mapa inyakertem malitsü.

¹³Na nungi ni ne teyangluba süngyanglu noksatem aser ne temeshi tongshitem leptoktsütsü; aser joko ne teka mapa nai mekülemtsü.

¹⁴Na nungi ni ne Asherim atsüdoktsütsü, aser ne yimtitem ni samatsütsü.

¹⁵Tashi mangaba kintem madak ni ain adokba aser mit agi mangyangba inyaktsü.”