Read njo NAHUM 2 Bible Online

NAHUM 2 - njo bible

NAHUM 2

¹Shibai anüka ajasadaktsür pa na anema adokogo; raksatsü oset renemang, lenmangji mita liang, aser nangri kangang, ne tashi ajak nungtenang.

²Kechiyong Israel tamaren ama, KIBUBAi Yakob tamaren tanaben bener arur, kechiyong rakzükraktemertemi parnok azüngtettsüogo, aser tsükmenatzü kongsang raksatsüogo.

³Par temerangertem jong temerem lir, tasü tait nisungtem nakrema meremba sobua lir; pa renemba anogo nung talungtsütem sentsü yin prangshir, aser tetsübutsüka nütemji pretshir.

⁴Talungtsütem yimdong nung nungzür, kati ka dak tsüktepa moa nung parnok oli-aruli asür; parnok tereprangtsü milenpung ama, tsüngpret ama parnok asümteper.

⁵Tetemsürtem pai jatener, parnok jakdang jajadang metsütaker; jara jagi parnoki ilunger aser tekadaktsü ayur.

⁶Ayong süngkhümtem lapoker aser chuba kiji yimsaa aor.

⁷Huzzab mangsa lir, la bener ogo, aser la aiür chanutemi posü asaba ola ama, teku nung tsünga mang ayimer.

⁸Saka alemli nungi Nineve tzütu ka mesüka lir, aji saka parnok jena oadoker. Noktakang, noktakang, ta parnoki ayimtener; saka shingaia meyipa merepranger.

⁹Nenoki taribi temakzükbaji agiang, hon temakzükbaji agiang, kechiyong senti oset ajak mesüra rongsen tatem maka lir.

¹⁰La tazüng, kecha mali, aser teraksa aser temulungjang yimsar aser temokok tsükteper, tenük-telen ajak lular, tejak pakla-pakla-a akümer!

¹¹Molusongzü pungtu chanu mesüdak, molusongzü tepung aser tetsütila jajadak, techanu tila alidak kong ali?

¹²Molusongzü tepungi pei techanu asoshi peria shisatsü aser tetsütila asoshi tepsetba shiruru lensettsü; pai pei lungpok tetepsetba shiruru agi aser pa leprungki shi teshisa agi süngdaktsü.

¹³“Ajiang, ni na anema lir” ta Temeranger KIBUBAi ashir, aser ni la talungtsütem mokozü longa arongtsü aser nok agi ne molusongzü pungtutem meyoktsü; aser ne tetepsettsü aliba ni alima nungi leptokadoktsü, aser ne osang abenertem ola joko mangashitsü.