Read njo NAHUM 3 Bible Online

NAHUM 3 - njo bible

NAHUM 3

¹Azü tokshiba yimti asoshi aiatai! Ibai tiyazü aser rakzükraktemba oset agi sünga lir; leptepba manendanger!

²Tarepba ola, aser talungtsü ola, kor joka asemba, talungtsü ajenshia jajaba;

³kor temeranger asangba, nok pretba, aser nü prangshiba, aser tetepsetba jenti, aser tasü mang jenti nangtena aliba; aser tasü mang tanen maka, parnok tasü mang manung parnok metsütaker.

⁴Ajakji nüktapangtatem madak nüktapangta, takzütakpungtsü aser tepuasettsü aketba, shibai kintem la nüktapangtabatem agi ashioktsür, aser nisungtem la awa agi ashioktsü.

⁵“Ajiang, ni na anema lir” ta Temeranger KIBUBAi ashir, aser ne teperem sü ne tejak manung lukettsütsü, aser ni kintem nem ne mangsa dak aser yimlitemi ne maksü dak reprangdaktsütsü.

⁶Ni ne dak anak paloktsütsü, aser na aija bushitsü, aser na nükrangdong ka kümdaktsütsü.

⁷Ne dak repranger ajaki na nungi ajentsü, aser ashitsü, “Nineve raksa-a sendokogo, shibai la mang ayimtsü? La asoshi ni kolen nungi tesüneptsür bushitsütsü?”

⁸Lar jaraji tzü, aser lar mitsaji tzüyim ka ta la meketa tzü, Nile anasa amenoka aliba Thebes dang nungi na tajungba asü?

⁹La tashi Ethiopia aser Ijip liasü, aser aji tatembang maka liasü; Put aser Lubim lar tenzüker liasü.

¹⁰Aji saka la bener oadok, la tepuokdak ao; lar tanur tilatem yimdong shia lenjem nung anüka akusa, aser lar tamarenertem asoshi parnoki an toktang, aser lar tulur nisung ajak yinzü agi alen.

¹¹Ano na meseptsü, na atsüka alitsü, tsükchirtem nungi nai jenokdak bushitsü.

¹²Mitsa ajak mezüng amenba munguzünu aketba munguzünu dong ama alitsü, parnok anokshira tachir bang nung parnok tsüker.

¹³Ajiang, ne temerangertem rongnung tetsür lir; tsükchirtem asoshi ner lima süngkhüm sadema lapoka lir; mi agi ni süngkhümürtsü meyokadokogo.

¹⁴Temokdangtsü asoshi tzü tatenang, ne mitsatem tashi itshiang, ajongli jagi iang, ajongliji ajemsang, lungru menoktetba nungji sotang!

¹⁵Yangji mi agi na meyoktsü, nok agi na lepzüka yoktsü, süngkuseni ama aji agi meyokadoktsü, ne sasa süngkusentem ama renang, süngku ama ne sasa jenti kümang.

¹⁶Nai ne shidi shishirtem anüng petinu dang nungi timba rendaktsü; süngkuseni raksatsür aser yima oadoker.

¹⁷Ne tongtipurtem süngku mesüka lir, aser ne tezülurtem temokong anogo nung atsüzüng nung metema aliba süngku lokti mesüka lir, aser kodang anü adokdir, parnok yima oadoker, parnok kong ali talidak memeteter.

¹⁸Oh Asiria chuba, ne sannükertem mejanga lir, ner tamarenertem anünür; ne nüburtem tenem manung prokshia lir, aser parnok anitentsü shinga mali.

¹⁹Ne teyiruba süneptsütsübo mali, ne zübu ulura; ne osang angashir ajaki ne dak teka maloktsür, kechiyong shiba madakbo ne mapa tamajung agi maneni jembia ali?