Read njo ZEKARIA 13 Bible Online

ZEKARIA 13 - njo bible

ZEKARIA 13

¹“Iba anogo nung Dawid kidong asoshi aser Yirusalem nung alirtem asoshi tzüpokdak ka temenen asoshi aser memerükba meshitoktsü asoshi lapoka alitsü.”

²Iba anogo nung ya ataloktsü ta KIBUBAi ashir, “Oda ni süngyanglutem tenüng alinük nungi leptoktsütsü aser parnok joko mebilemtettsü; aser ano ni ainkartem aser memerükba tanelatem linük nungi oadokdaktsütsü.

³Aser ano kari ainkar o jembira idangji pa tebu aser tetsüi pa dang ashitsü, ‘Na taküm malitsü, kechiyong KIBUBA tenüng nung ni tiyazü jembir,’ aser pa tebu aser tetsüi pai shina jembidang pa tsüngsettsü.

⁴Aser iba anogo nung ainkar shiai pai shin o jembidang pei mangdang indang aaka alitsü, mesüra nisungtem ashioktsütsü, parnoki tezüng aketba ainkar süpoksü mabentsü;

⁵saka pai ashitsü, ‘Ni ainkar masü, ni aluyimer lir; kechiyong ni asangwa nungi alar küma lir.’

⁶Saka kati pa dang ashitsü, ‘Ne teku nung zübutemji kechi?’ Idangji pai langzütsü, ‘Item zübutemji kü tembar kidang kü dak zübu kettsüba.’ ”

⁷ Sakang, Oh nok, kü sannüker anema nisung shiba kü medemer lir, pa anema ta Temeranger KIBUBAi ashir; sannüker dak zükang, aser santem prokshitsü, aser tilatem anema ni kü ket meyiptsü.

⁸Aser ya oda ataloktsü ta KIBUBAi ashir, linük ajak nung iba nung shilem ana leptokadoktsü aser asütsü, saka shilem asembuba iba nung toktsütsü.

⁹Aser shilem asembubaji ni mi nung enoktsütsü aser taribi meshitetba ama parnok meshitettsütsü; aser hon tendangba ama parnok tendangtsü; parnoki kü nüng nung ajatsü aser ni parnok dang angashitsü. Ni ashitsü, “Ya kü nüburtem lir,” aser parnoki ashitsü, “KIBUBAji kü Tsüngrem lir.”