Read njo ZEKARIA 2 Bible Online

ZEKARIA 2 - njo bible

ZEKARIA 2

¹Ni kü tenük rangeta yok, aser ajiang, nisung ka pei teka nung tasadangba lisü amer liasü.

²Idangji ni ashi, “Na koleni aor?” Aser pai kü dang ashi, “Yirusalem lenten aser metong kodaka aji asadangtsü asoshi.”

³Idangji kü den jembiba kotak tenyarji oadok aser tangar kotak tenyar ka pa den ajuruteptsü ao.

⁴Aser pa dang ashi, “Asümang, aser iba asangur dang ya oda shiang, ‘Nisung telok aser yangji kiset shiruru aliba yong yimtsüki maliba yim ama Yirusalem nung alitsü.’

⁵Kechiyong ni KIBUBAi ashir, la meketa la asoshi ni mi atsüki jara ama alitsü, aser la dak sentsüwangshiji ni asütsü.”

⁶“Ho! ho! Anüdoklentip lima nungi jenang,” ta KIBUBAi ashir, “kechiyong pezüsülen anüng mopungtem ama ni nenok prokshidaktsüogo.

⁷Oh! na Babilon jala den alir, Zioni jena oang.

⁸Kechiyong Temeranger KIBUBAi yamai ashir, Sentsüwangshi atema nenok rakzükraktemba kintem dangi pai ni yok, kechiyong shibai nenok dak kongshir pai pei nükjang nung kongshir.”

⁹Kechiyong ajiang, ni parnok madak kü ket ayipshitsü, aser shirnoki parnok tenzüker, parnok asoshi terakzüktsü parnok asütsü, aser nenoki Temeranger KIBUBAi ni yoka lir ta metettsü.

¹⁰“Ken tenang aser pelatepang, Oh Zion jala; kechiyong ni arur aser ni ne madak alitsü,” ta KIBUBAi ashir.

¹¹Aser iba anogo nung kin aikati parnok sasa KIBUBA den adentsü, aser kü nüburtem asütsü, aser ni ne den alitsü aser, Temeranger KIBUBAi ne dangi ni yok ta nai metettsü.

¹²Aser KIBUBAi pei shilem ama temeshi linük nung Yihuda agitsü, aser ano Yirusalem shimtsü,

¹³“Nisung ajak KIBUBA madang mokorai liang, kechiyong pa temeshi talidak nungi pa saaka lir.”