Read njo MALAKI 4 Bible Online

MALAKI 4 - njo bible

MALAKI 4

¹“Kechiyong ajiang, misem ama ronga anogoji arutsü, aser mezümekümer ajak aser tamajung inyaker shia motembang akümtsü, aser tarutsü anogo jagi itemji rongtokadoktsü, oda aji agi itemji tera süshia kongsang süshia metoktsütsü, ta Temeranger KIBUBAi ashir.

²Saka nenok kü tenüng akhüm tsüburtem asoshi temeshiba anü pa tashikang nung tanebtsü bener adoktsü, aser nashi ki nungi nashi chanutemi ama nenoki pungtena adoktsü.

³Aser nenoki tamajunger madak ajemshitsü; kechiyong ni inyaktsüba anogo nungji nenok tetsüng kübok ni parnok aut kümdaktsütsü, ta Temeranger KIBUBAi ashir.”

⁴“Kü tenzüker Mosa ozüng, koba ni pa dang Horeb nung Israel ajak asoshi mela, oda tzüzüng-ozüng aser o bendangba, nenoki bilemtetang.

⁵ Ajiang, KIBUBA anogo tulu aser tetsübutsüji marudang ni nenok dangi Elija yoktsü.

⁶Aser ni arua linük atakatem agi tongdakja lir ta tsüraburtem temulungjang techirtem dangi aser techirtem temulungjang tsüraburtem dangi pai meyipdaktsütsü.”