Read njo TAZÜNGKUNEM 33 Bible Online

TAZÜNGKUNEM 33 - njo bible

TAZÜNGKUNEM 33

¹Tsüngrem nisung Mosai pa masü dang Israel nüburtem moatsüba temoatsüji ya lir.

²Pai ashi, “KIBUBA Sinai tenem nungi aru, aser Seir nungi parnok dangi adok, pai Paran tenem nungi yaloktsü, pa temeshipur meyi aika den aru, pa tajichilen parnok asoshi ozüng tesashi liasü.

³Hau, Pai pei nübur meimer; pa temeshi pur ajak ne ket nung lir: aser ne tsüngdang parnok amener; nisung shiai ne otem agizüktsü.

⁴Mosai onok dang ozüng ka mela, Yakober telok asoshi senmang ka.

⁵Nisungtem tanishir sentepa Israel kin ajak külemi alidang pa Yeshum nung chuba aküm.

⁶“Reuben mesüi taküm lidakjang, mesüra pa nütsüng ajema tekümdaktsü

⁷Aser Yihuda atema pai yamai ashi, “Yihuda ola angang, Oh KIBUBA; pa pei nübur dangi anir arudakjang. Pa teka agi pa kümzüka lidakjang. Pa anemertem anema na pa teyari ka sang.

⁸ Aser Levi indang pai ashi, “Ne Thummim aser ne Urim nai shirnok meimer parnok den lir, nai parnok Massa nung tendang, nai parnok den Meriba tzü nung rara.

⁹Shibai pa tebu aser tetsü indang, ni parnok mangu, ta ashi, aser pai adianua magizük aser pei chira mezüngoki aküm. Kechiyong parnoki ne o benshi aser ne tezüngzüktepba ayur.

¹⁰Parnoki Yakob dang ne obendangba aser Israel dang ne ozüng sayutsü. Parnoki ne teni nung teronem enoktsütsü; aser ne tanela dak tarongba tenla ajonga tenlatsü.

¹¹Moajang, KIBUBA, na akaba, aser pa teka mapa agizükang; anema adoker aser pa sempartem, oda pa anema tanaben menoktaktsüsa parnok teperem loksajang.

¹²Benjamin indang pai ashi, “KIBUBAi meimba pa lir, pa den pai kümzüka alitsü; anogo tepiyong pai pa awabanga alir; aser pa tapubang tsüngda nung pa alir.

¹³Aser Yosef indang pai ashi, “Par lima KIBUBAi moajang; anüng temalen rongsen agi, azüngtzü den, aser punglang makaba tarok tzü agi,

¹⁴anü tesangwa nungi senti süngjang-lijang agi, aser ita shia talubosa adokdaktsüba agi,

¹⁵akhidang nungi aliba tenem nung adokba tajungtiba agi, aser teti aliba tenem rongsen agi,

¹⁶alima rongsen aser iba nung sünga aliba agi, aser süngsem nung aliba pa maongka agi; Yosef, pa adianu rongnung tamarensang, pa kolak madak temoatsü aludakjang.

¹⁷Pa nashi pungchi mezüng mepubaji akhüm taket lir; pa tezüji arem süpong ama; item jagi kin ajak dak atongtsü, oda alima tatem tashi aridoktsü, anungji Efraim asoshi yamai meyirijang alitsü.

¹⁸Aser Zebulun indang pai ashi, “Zebulun, na aolen pelaseta liang, aser Issakar, ne süki nung na pelaseta liang.

¹⁹Parnoki nüburtem tenemi ajatsü; yangji parnoki temeshiba tenla agütsütsü. Kechiyong parnoki tzüyim rongsen, aser lisem nung miima aliba rongsen meseptsü.

²⁰Aser Gad indang pai ashi, “Gad tulu kümdaktsüsang temoatsü sang, pa molusongzü ama atsüka alir aser tepen aser tekojong shisatsür.

²¹Pai pei asoshi mezüngbuba shilem shimtet, kechiyong yimsüsür shilembo wazüka liasü; aser pai nübur tanishirtem dangi aru, aser pai KIBUBA mulungba ochi aser Israel asoshi obendangba inyak.

²²Aser Dan indang pai ashi, “Dan, Bashan nungi pungzüka adokba molusongzü chanu lir.

²³Naftali indang pai ashi, “Oh Naftali, KIBUBA tiptem maongka, aser temoatsü agi sünga, tzüyim aser anüolentip agiang.

²⁴Aser Asher indang pai ashi, “Jabaso agi moatsüsang Asher sang; pa adianu rongnung agizüktetba sang, aser pa tetsüng totzü nung ajemokdakjang.

²⁵Ne tsüngsem merang aser yongmenyin alitsü; aser ne anogotem ama, ne tashi alitsü.

²⁶“Yeshurun Tsüngrem ama tangar shinga mali, shibai kotak nung amener aser pa sentsüwangshi anüngtem ajanga na yarir.

²⁷Tatem maka Tsüngremji na talidak aser teküboklen teti tatem maka teka lir; aser ne madang nungi pai tsükchir aridok, aser ashi, ‘Sama-ang.’

²⁸Aser tsük aser yi aliba lima nung, Yakob tzüpokdak kijadang, Israel tekümzük nung ali, hau, pa anüngi azüngtzü tsükdaktsür.

²⁹Oh Israel na tepelatsü: na ama KIBUBAi kümzükba nübur shir ali? Nenok teyari asoshi jong aser nenok tamaren nokji pa lir! Ne tsüchirtemi nenok küboki arutsü. Aser nai par tokong tenem nung ajemshitsü.”