Read njo ROM 16 Bible Online

ROM 16 - njo bible

ROM 16

¹Kenkerea nung arogo dikon ka asen adianutsür, Foibi indang ni kü kuli agütsür.

²Kibuba nung temeshi purtemi inyaktsü tim ka amato nenoki la agizükang, aser kechi nungsa nenok teyari lai nüngdakdir item ajak nung nenoki la yariangma; kechiyong lai nisung aika, aser nia tensema yaria aruogo.

³Khrista Yisu nung külem tenzükertem Priskila aser Akula tena nem salem agüjang.

⁴Parnoki kü taküm asoshi pei tekong tendaka timatem. Ni dang masü saka Bendanger arogotem ajaki parnok dang pelar.

⁵Par kidang sentepba arogo nema salem agüjang. Kü temeim tembar Epaeneta, Asia nung Khrista dak mezüng amangsang nem kü salem agüjang.

⁶Mariam shibai nenok atema kanga meranga inyak, la nem salem agüjang.

⁷Kü kinunger aser kü den külemi puokertem: Andronika aser Yunia,[1] shirnok tenyartem rongnung tenüng tetugu aser kü dang nungi tamasa Khrista nung liasü, parnok nem salem agüjang.

⁸Kibuba nung kü temeim Ampliata nem salem agüjang.

⁹Khrista nung külemi inyaker Urbano aser kü temeim Stako nem salem agüjang.

¹⁰Khrista nung nisung tajung Apele nem salem agüjang. Aristobular kinunger nema salem agüjang.

¹¹Kü kinunger Herodia nem salem agüjang. Kibuba nung Narkiso kinunger nem salem agüjang.

¹²Kibuba nung mapa inyakertem Trufaena aser Trifosa nem salem agüjang. Kibuba nung kanga meranga inyakba kü temeim Persis nem salem agüjang.

¹³Kibuba nung shimtetba Rufo aser pa tetsü shibai kü dang meima benshi salem agüjang.

¹⁴Asunkrita, Flego, Hermi, Patroba, Herma aser parnok den alir adianutem nem salem agüjang.

¹⁵Filologo aser Yulia, Nirio, aser pa tenu, aser Olimpa aser parnok den temeshi purtem nem salem agüjang.

¹⁶Nenok adianu o adianu na temeshi temeim agi tebang meseptepang. Khristar arogotem ajaki nenok nem salem bendaktsür.

¹⁷Tang adianutem, nenoki agizükba tesayuba anema apusortem shirnoki telemsatsüba aser nübur tamang meyipshidaktsüba adokdaktsür parnokji reprangoka yuang. Aser parnokji paitokang ta ni nenok ajungshir.

¹⁸Kechiyong item ama nisungi asen Kibuba Khrista metenzüki pei tepok dang tenzüker. Aser parnok tema tazütsü o tajung agi tai makaba pur külakoktsür.

¹⁹Kechiyong nenoki tashi angaba osang indang nisung ajak dangi ogo, anungji ni nenok dang pelar, saka kechi tajung idakji shisa taka aser kechi tamajung idakji tongmelang lidaktsünür.

²⁰Aser tesüneptsüba Tsüngremi nenok tetsüng kübok satan ajemsatsütsü.

²¹Kü den külem tenzüker Timoti aser kü kinunger Lukia, Yason aser Sosipateri nenok nem salem agütsür.

²²Ni, Tertio, shibai iba shiti zülur, ni Kibuba nung nenok nem salem agütsür.

²³Kü kidonger aser arogo ajonga kidonger Gaiai nenok nem salem agütsür. Yimti sen kibur Erasta aser tenu Quartoi nenok nem salem agütsür.

²⁴Asen Kibuba Yisu Khrista taochi nenok den liang.

²⁵Kechi miim o teti tetenzük mapang nungi miima liasü, saka tang jungkai adokogo, aser teti tatembang makaba Tsüngrem ozüng agi ainkartem Laishiba ajanga tamang nungi adoka tashi angaba tentetdaktsütsü asoshi kin ajak nem metetdaktsüogo.

²⁶Iba miim o jungkai adokba agi aser kü osangtajung aser Yisu Khrista sayutsüngiba agi nenok akangdaktsütsü akokba dangi,

²⁷oda Tsüngrem, shiba dang shisa aka, pa dang Yisu Khrista ajanga teti sentsüwangshi sang. Amen.