Read njo 1 KORINT 2 Bible Online

1 KORINT 2 - njo bible

1 KORINT 2

¹Adianutem, kodang ni nenok dangi aru, tsüngro-asongba o, mesüra shisa-taka agi ni nenok dang Tsüngremer ochi miim oji sangokja maru.

²Kechiyong Yisu Khrista aser pa kangki nung angenlokba dak alema ni nenok rongnung alidang tanga kecha memetettsü lemtet.

³Nenok den alidang ni tashi mait, tetsübu aser tatenten nung liasü.

⁴Aser nenok tamangji nisunger shisatsü nung noktaktsü asoshi masü.

⁵Saka Tsüngremer ain nung noktaktettsü asoshi kü o aser ni sayutsüngiba osangji temesüzükba shisatsü nung masü, saka Tanela kuli aser ain nung liasü

⁶Saka tain rongnung onoki shisatsü o jembir, aji saka iba lima shisatsü o mesüra iba lima yimsüsürtem o masü; kechiaser parnok shisatsü amajok küma odagi.

⁷Saka koba miima aliba Tsüngremer shisatsü alima meyangludang nungi asenok sentsü wangshidaktsütsü asoshi atemzük, ibaji Tsüngrem miim o nung onoki jembir.

⁸Iba shisatsüji alima yimsüsürtem shingaia memetet. Kechiyong parnoki metet asübo, sentsüwangshi Kibubaji parnoki kangki nung mangenlokla.

⁹ Saka zülua aliba ama, “Kechi tenük agi mangu, aser tenarong agi mangashi, aser kechi nisung temulungi mai, Tsüngremi pa meimertem asoshi item ajak renem.”

¹⁰Saka asenok dang Tanela ajanga item Tsüngremi jungkai adokdaktsüogo. Kechiyong tebilemba ajak oda Tanelai meteter.

¹¹Kechiyong nisung ka dak aliba tanela dak alema tangar shingaia iba nisung tebilembaji memetet; aji oda Tsüngrem Tanelai dang Tsüngrem tebilembatem ajak meteter.

¹²Saka Tsüngremi asenok nem kechisa angati agütsü itemji metettsü asoshi asenoki alima tanela magizük, saka Tsüngrem nungi aruba Tanela agizük.

¹³Ano itemi asenoki jembir, saka nisung shisatsü agi sayuba otem nung masü, saka Tanelai sayuba otem nung Tanela tebilembatem Tanela nisungtem dang rateta sayur.

¹⁴Saka alima nisungi Tsüngrem Tanela sempettem magizükteter, kechiyong itemji pa asoshi tamashi lir. Aser pai itemji angatettsü makoker. Kechiyong itemji Tanela tsütsülen nungi dang meteter.

¹⁵Tanela akaba nisungi ajak tendanga o bendangteter. Saka pabo shingaia metendanger.

¹⁶Lai nung ashiba ama, “Shibai atangji Kibuba mulung metet? Shibai pa dang sayutsü?” Saka asenok dak Khrista mulungsentsü keta lir.