Read njo 2 KORINT 10 Bible Online

2 KORINT 10 - njo bible

2 KORINT 10

¹Tang ni, Paul, shiba nenok tsüngdang nenok rongnung ajemalua lir, saka nenok nungi pilar külenbo nenok tsütsü tasü aiter, nenok dang Khrista ajemalu aser kümli tajung agi mepishir.

²Hau, onoki shi atema jajar ta shiri bilemer, parnok anema ni tasü aittsü ta bilema lir, saka kodang ni tendir iba tasü tait mesayudaktsütsü asoshi ni nenok dang mepishir.

³Kechiyong onoki alima nung liaka, onoki alima nunger raraba yimya ka nung merarar.

⁴Kechiaser onok raraba nok o nü shi amato masü, saka itemji mitsatem laodaktsütsüsa Tsüngrem ain lir.

⁵O toktepbatem aser Tsüngrem metetba shisatsü anema adokba asüküm tenokdangbatem onoki laodaktsür aser tebilemba shia pua bener arua iba jagi Khrista dang tashi anga-a kümdaktsür.

⁶Aser kodang nenoki bendanga, tashi angabaji abensa kümer külenbo, tashi mangaba mapa shiaji merenshitsü asoshi onok renema alitsü.

⁷Nenok jakdang kechi lir aji nenoki reprangang. Kari pei sasa Khrista nübu ta amangra, pa kechi koda Khrista nübu, aji oda onoka pa nübu lir ta pai pei sasa ibai tanaben bilemdangang.

⁸Kechiyong nenok bensatsütsü masü, saka nenok yanglushitsütsü Kibubai onok nem kechi bangdak agütsü, iba indang ni tera alia uluaka ni makmesüdaktsütsü.

⁹Saka ni nenok kü shiti agi tsübudaktsünür ama masü,

¹⁰kechiyong kari ashir, pa shiti taret aser tesashi, saka kodang pa arua asenok rongnung tendir, pa tashi mait aser pa oji kecha sütsüa masü.

¹¹Onok malidang onoki shiti agi kechi ashir, kasaji onok dena alidanga onoki inyaker ta yamala nisungtemi angatetang.

¹²Mesüra pei sasa tajung ta bilema asükümba purtem kar den onoki peiji medemdanger ta masü, saka kodang parnoki parnok sasa kati ka agi asadanger aser parnoki kati ka den medemdanger, idangji parnokji tangatetba maka.

¹³Saka onoki onok tasazükba dak alia moulutsü saka Tsüngremi onok nem koba tasazükba asazükja yuja ali aser koba nung nenok rongnung onok tenzükba mapa-a densema ali iba tashi dang alitsü.

¹⁴Kechiyong onoki nenok matong amato onoki pei asazükba alema pei sasa matsülanger, kechiaser onoki Khrista Osangtajung nung nenok tonga aru.

¹⁵Tangar nisungtemi inyakbatem nung onoki tasazükba atendanga moulur, saka onok teimlaji ya, nenok tamang tali züindang nenok rongnung onok mapajia ululoker.

¹⁶Aji asü nung tangar lu nung mapa inyaktetadokba indang moului, nenok atena or aliba lima nungji onoki Osangtajungji sayutsüngitsü akoktsü.

¹⁷ Saka Laishibai ashir, “Shibai uludir pai Kibuba nung uludakjang.”

¹⁸Kechiyong shibai pei sasa junger ta sangdir, pa tetemsü masü, saka Tsüngremi shiba dang junger ta shidir pa tetemsü.