Read njo 2 KORINT 2 Bible Online

2 KORINT 2 - njo bible

2 KORINT 2

¹Nenok jashidakja lir ta sür ni nenok dangi tanaben marutsü mulungtet.

²Kechiyong ni nenok jashidaktsüra, ni jashidaktsüba pur dak alema ni peladaktsütsü asoshi shiba ali?

³Anungji ni kodang arudir, shirnoki ni pela-a kümdaktsütsü tim, parnok jagiang ni jashidakja lir ta sür ni iba shiti züluogo: kechiaser ni nenok ajak indang chichia meteta lir, oda kü tepelaji nenok ajak tepela lir.

⁴Kechiyong ni temulung kanga ayangba aser kanga timtemba aser nüktzü jenti yima, nenok jashidaktsütsü atema masü, saka nenok asoshi kü temeim kodaka lir aji nenok nem metetdaktsütsü atema ya zülu.

⁵Saka kari tejashi adokdakja lira, pai aji kü dang masü, ni ya sashira mashir, saka shilem kar nung nenok ajak dang inyakogo.

⁶Iba nisung asoshi nisung teimbai yamaji merenshibaji pa asoshi teperi.

⁷Anungji yamaji mesüi dang nenoki pa dang tai tokang aser pa sünepjang, aji oda mesüra kanga jashiba jagi paji meyokadoktsüa kar.

⁸Anungji nenoki temeim tulu pa dang sayuang ta ni nenok dang mepishir.

⁹Kechiaser nenoki ajak nung tashi angar asü tashi mangar ta nenok tendangtsü asoshi ni zülu.

¹⁰Nenoki shiba dang langka tokdir, nia pa dang tokdi. Ni langka toka lira ni kechi atok, aji Khrista madang nenok atema inyaka lir,

¹¹Kechiyong Satani asenok kecha nunga makoktsüsa ni atok. Pa tasa asaba asenoki memeteti mali.

¹² Ni kodang Khrista Osangtajung sayutsüngitsü Troai aru, Kibuba nung ni asoshi kishi ka sadema lapoka liasü.

¹³Saka idakji tenur Tita mangu nung ni temulung mesüngjemteti liasü; anungji parnok dang tepila o shir külen ni Makedoniai ao.

¹⁴Saka Tsüngrem, shibai Khrista nung onok takokba nung teti anir, aser onok ajanga pa temetetba shisatsü teronemji ajaklen prokshir, pa tenüng sangang.

¹⁵Kechiaser shirnok kümzüka lir aser shirnok sama-a lir, parnok rongnung Tsüngrem atema onok Khrista teronem tanang lir.

¹⁶Ka dangi tasüba nungi tasüba dangi aniba teronem, tangar ka dangi taküm dangi aniba teronemji onok lir. Aser item asoshi shiba teperiba ali?

¹⁷Kechiaser aika, shiri pei tajangzük asoshi Tsüngrem o tekülak agi jembir parnok amaji onok masü. Saka onoki chichiba agi Tsüngrem nungi ama, Tsüngrem jakdang Khrista nung jembir.