Read njo 2 KORINT 3 Bible Online

2 KORINT 3 - njo bible

2 KORINT 3

¹Ano onoki tanaben onok indang kuli sayutsü nüngdak ama? Mesüra tangar kar ama, nenok dangi saka, mesüra nenok nungi saka, onok asoshi metettepba temelaba kuli shititem nüngdaka ali ama?

²Nenok takümji nisung ajaki züngtettsü aser metettsü asoshi onok temelaba kuli shititem nenok temulungjang nung zülua lir.

³ Nenokji Khrista nungi onok ajanga agütsüba shiti tejangja ta nenoki sayur, koba mozützü, shiai agi mezülu, saka taküm aliba Tsüngremer Tanela agi zülu, lungpaktem manung masü, saka meimchir temulungjang lungpak manung zülu.

⁴Khrista ajanga Tsüngrem dak onok tamang akaba yong onoki ya ashir.

⁵Onok pei sasa nungi langka lir ta onoki mebilemer, mesüra onok pei sasa teperi lir ta masü; saka onok teperiba Tsüngrem nungi lir.

⁶ Tasen tezüngzüktepba tenzükertem akümtsü pai onok temsüa kümdaktsür. Aji tezüluba ozüng ka dang masü, saka Tanela tezüngzüktepba, kechiyong tezüluba ozüngi südaktsür, saka Tanelai taküm agütsür.

⁷ Saka tasüba yimsüsüba, koba lung manung angenpoka zülu, aji sentsüwangshi nung adokra, aser aji agi Mosa tejak sentsüwangshi, koba remya liasü, iba asoshi Israel nüburtemi pa tejak nung rangketa mereprangtetra,

⁸ajangla Tanela putu mapangji tali tuluba sentsüwangshi keta malitsü ama?

⁹Kechiaser taitsüba putu mapang nungji sentsüwangshi keta lira, idakji chia temeshiba putu mapang dakji kanga agia tuluba sentsüwangshiji keta alitsüla.

¹⁰Asenoki ya shitet, oda tang kanga agia tali twangshiba aliba agi tesüiba sentsüwangshibaji süitemdaktsüogo.

¹¹Kechiyong remzüka oadokbaji yamaji sentsüwangshi ketra, idakji chia teti alibaji kanga agi sentsü twangshiba lir.

¹²Kechiaser iba teimla aka nung onok kanga tasü ita lir.

¹³ Aser remzüka aoba tatembang sentsüwangshi dakji Israel nüburtemi mereprangdaktsütsü asoshi kechi koda Mosai pei tejak temeibangba sü ka agi tongdanga ayu, pa amaji onok masü.

¹⁴Atangji parnok temulung meranga aküm, kechiyong tanü tashi kodangsa parnoki iba tejen tezüngzüktepbaji azünger kasa temeibangba süji agiena moi lir. Kechiaser Khrista nung dang ibaji endoker.

¹⁵Hau, atangji tanü tashi, kodangsa Mosa kakettem züngdir, parnok temulung nung temeibangba sü ka yua lir.

¹⁶ Aji sakasa, “Kodang nisung kati Kibuba dangi meyipdir, temeibangba süji agienadoker.”

¹⁷Aser Kibubaji Tanela lir, aser kongsa Kibuba Tanela lir, idakji nüjibaji lir.

¹⁸Aser asenok ajak tejak memeibang nung Kibuba sentsüwangshiji repranga pa mesükba nung sentsüwangshi jenjang ka nungi ka dangi melenshia kümdaktsür. Ya Kibuba shiba Tanela lir pa nungi arur.