Read njo GALATIA 2 Bible Online

GALATIA 2 - njo bible

GALATIA 2

¹ Idangji küm terpezü renteter, ni Barnaba aser Tita kü den anir tanaben Yirusalemi atu.

²Ni atutsüla ta Tsüngremi jungkai adoka ashiba agi ni atu. Aser Osangtajung kechi ni Bendangertem dang sayutsüngi, aji kibok nung miima tanishirtem den dang jembitep; kechiyong taoba mapang nung aser tang inyakba mapatemji ni amajok mekümdaktsünü.

³Saka kü den aliba Tita Grik nunger liaka, pa memejeptokdaktsü.

⁴Aji saka onok alar kümdaktsütsü asoshi, Khrista Yisu nung aliba onok nüji tia miima ladangtsüsa, tiyazü adianutem miima aniok.

⁵Kechiaser osangtajung ochibaji nenok den maneni litettsü asoshi, onok kenpiga danga parnok küboki mai.

⁶ Saka tanishirtem ta asüba nisung kar, parnokji shirsa kechi ama liasü, aji ni asoshi kecha masü, kechiyong Tsüngremi nisung jak merepranger, parnoki kü dang kecha mesayu ta ni ashir.

⁷Saka kechi koda temejeptoker asoshi Osangtajungji Peter nem nungloktsü, yamaji memejeptoker asoshi Osangtajungji kü nem nungloktsüogo ta parnoki angu.

⁸Kechiyong kechi koda Tsüngrem tashi agi Peter temejeptoker asoshi tenyar ka kümdaktsü, aji oda bendanger asoshi nia kümdaktsü.

⁹Anungji Yakob, Peter aser Yohan, shir tongshitem amai lir, parnoki kü nem agütsüba taochiji aser parnoki Barnaba aser kü den telungjem temaitsü teka tajichi amtep. Anungji onok Bendanger dangi aotsü, aser parnok temejeptoker dangi aotsü.

¹⁰Onoki sensaker bilemtettsü tim ta parnoki onok dang mepishi, aser iba mapajisa inyaktsü ni jangra-a liasü.

¹¹Saka kodang Peter Antioki aru, ni pa jakdang pa anema noktak, kechiaser pa dak tai liasü.

¹²Kechiyong nisung kar Yakob nungi marudang, pai Bendangertem den chiyung, saka kodang parnok aru, pai parnok temejeptokertem rongnungi ta meteta pai tsübua meyipa oa balaka aküm.

¹³Aser tangar Yihuda nunger ajaki pa den balakati ao, aser yamaji parnok anemsüba agi Barnaba-a anir ao.

¹⁴Saka parnoki Osangtajung ochiba nungji shitakba mejajar ta ni kodang angu, ni ajak madang Peter dang ashi, “Na Yihuda nunger sürnung, Yihuda nunger ama meli-i Bendanger ama alir süra, ajangla Bendangertem Yihuda nunger ama alitsü nai koda akhanger?”

¹⁵Asenok shirsa tasodangyongi Yihuda nungertem lir, saka temenenpur Bendangertem ama masü;

¹⁶ aji saka nisung kaji ozüng mapatem agi masü, saka Yisu Khrista dak tamang ayuba agi metendaktsür ta asenoki metet. Anungji Yisu Khrista dak amangba ajanga asenok temeten angutsü asoshi asenoki pa dak amanger, kechiaser ozüng dak amangba ajanga shinga temeten mangutsü ta asenoki metet.

¹⁷Khrista ajanga temeten angutsü asoshi asenoki bushira, asenoka Bendangertem ama temenenpur masü ama? Ajangla Khristai temenen züindaktsü asü? Masü, yamaji kodanga masü!

¹⁸Kechiyong ni kechi raksa aji tanaben yanglura, ni kü sasa tai benshir ta kuli agütsür.

¹⁹Kechiyong Tsüngrem atema ni taküm alitsü asoshi ozüng ajanga ni ozüng nungi pila-a asü.

²⁰Kechiaser Khrista den ni kangki nung angenlokogo, aser ni ano taküm mali, saka kü dak Khrista taküm alir, aser Tsüngrem Chir shibai ni meim aser pei sasa ni atema agütsü, pa dak tamang agi ni taküm alir.

²¹Ni Tsüngrem taochi amajok mekümdaktsür, kechiyong ozüng ajanga nisung kaji Tsüngrem tsüngdang temeshi kümra, aji agi Khrista amajok nung asü ta sayur.