Read njo 1 TESALONIKA 1 Bible Online

1 TESALONIKA 1 - njo bible

1 TESALONIKA 1

¹Paul, Silvana aser Timoti, Tebu Tsüngrem aser Kibuba Yisu Khrista nungi Tesalonika arogo dangi: nenok dangi taochi aser tesünep sang.

²Onok sarasadem nung nenok tetshia, onoki nenok ajak asoshi teti Tsüngrem nem tenüngsang agütsür.

³Nenok tamang nungi adokba mapa, aser temeim nungi adoka inyakba aser asen Kibuba Yisu Khrista dak temeim nungi adokba taremzükba asen Tebu Tsüngrem madang bilemtetdagi.

⁴Temeimba adianutem, Tsüngremi nenok meim aser pa atema nenok shimtet ta onoki metet.

⁵Kechiaser onok osangtajung nenok dangi o nung dang masü, saka ano ain nung, aser Tanela Temeshi nung aser kanga atangji nung aru. Onok nenok den alidang koma liasü, ajak nenoki meteta lir; ibaji nenok jungdaktsütsü asoshi liasü.

⁶ Aser nenoki timtem tulu nung Tanela Temeshi-i agütsüba tepela agi oji agizüker onok aser Kibuba jilu ajizüker aküm.

⁷Anungji Makedonia aser Akaya nung tamangertem ajak dang nenok tatishitsü ka aküm.

⁸Kechiyong nenok nungi Kibuba O Makedonia aser Akaya dangi metangoka aoba dang masü, saka Tsüngrem tsütsü nenok tamang linük ajakleni ogo; anungji onoki jembitsü kecha tenüngdaktsü maka.

⁹Kechiyong onok nenok dangi arudang nenoki onok koda agizük, parnok aikati pei sasa iba indang kuli tajung agütsür aser nenoki taküm aliba aser chichiba Tsüngrem tenzüktsü aser nenoki taküm asoshi koda süngyanglutem toktsür Tsüngrem dangi meyip,

¹⁰aser pa Chir shiba pai tasü nungi shia arudaktsü, iba Yisu shibai tarutsü aliba ain adokba nungi asenok kümzüker, pa kotak nungi maru tashi atatsü onoki iba indang osang agütsür.