Read njo YIHUSUA 13 Bible Online

YIHUSUA 13 - njo bible

YIHUSUA 13

¹Tang Yihusua tambur aser kanga tasa liasü; aser KIBUBAi pa dang ashi, “Na tambur aser kanga tasa liaka, ano linük jenti anünga lir.

²Anünga aliba linükji ya lir; Filistia aser Geshur nunger linük ajak;

³Ijip jakdang aliba Shihor nungi Kanan nunger ta züngshiba anüdoklentip tsütsü Ekron arrtsü tashi; Filistia nunger yimti pungu, Gaza, Ashdod, Ashkelon, Git, aser Ekron, ano anüdoklentip aliba Avim dena;

⁴Kanan nunger linük ajak aser Sidon nunger meyong Meara, Amor nunger arrtsü Afek tashi;

⁵aser anüdoklen tsütsü Gebal o Lebanon nunger linük Hermon kübok Baal-gad nungi Hamat matong tashi;

⁶ tenem nübur aliba linük ajak Lebanon nungi Misrefot Maim tashi, oda Sidon nunger ajak dena; Israel chirtem jakdang nungi ni parnok aridoktsü; ni ne dang melaba ama, nai ibaji dang Israel nunger nem senmangtsü asoshi timi lemdangang.

⁷Anungji tang kin tuku aser Manase kin tesadang nem iba linük ya lemsajang.”

⁸ Yordan anüdoklen tsütsüji KIBUBA tenzüker Mosai Manase kin tesadang, Reuben, aser Gad kin nem senmangtsü asoshi agütsür liasü.

⁹Arnon lenten tatem nung aliba Aroer nungi, aser lenten tiyong nung aliba yimti den Medeba ali lenten ajak Dibon tashi;

¹⁰aser Amor nunger chuba Sihon shibai Hesbon nungi Ammon chirtem arrtsü tashi yimsü asü, par yimti ajak;

¹¹Gilead aser Geshur o Maakat nunger arrtsü aser Hermon tenem ajonga Bashan ajak Salka tashi;

¹²Bashan nung Og chuba shibai Ashtarot aser Edrei koba Refaim nung tanüngzük toktsüba nung yimsü asü; pa yimli ajak den agütsüba ama, kechiaser Mosai itemji atsüngtet aser parnok aridok.

¹³Aji saka Israel chirtemi Geshur aser Maakat nunger maridok aser tanü tashi Geshur aser Maakat Israel rongnung lir,

¹⁴ Saka Levi kin nem pai senmangtsü kecha magütsü, kechiaser KIBUBAi Mosa dang ashiba ama, Israel Tsüngrem KIBUBA dang tarongba agi tenlaba nungi parnok senmang angutsü.

¹⁵Mosai Reuben kin nem parnok kibong apir senmangtsü asoshi alinükji agütsü.

¹⁶Anungji parnok arrtsüji Arnon lenten tatem nung aliba Aroer nung lenten tiyong nung aliba yimti Medeba ali lenten ajak,

¹⁷Heshbon aser iba lenten linük nung aliba yimti ajak; Dibon aser Bamoth-baal aser Beth, Baalmeon;

¹⁸aser Yahaz aser Kedemot aser Mefaat;

¹⁹Kiriathaim, Sibma aser lenten temesong Zarethsahar;

²⁰Beth-peor aser Pisga atang, aser Beth-yeshimot;

²¹lenten lima yimti ajak, Amor nunger chuba Sihon yimli ajak shibai Heshbon nung yimsü asü aser shiba Mosai Midian nunger tongtipur Evi, Rekem, Zur, Hur, aser Reba, linük nung alir Sihon kübok kiburtem den atsüngdok.

²²Aser ano tetepseter rongnung anünga aliba Beor jabaso Balaam temezünger Israel chirtemi nok agi tepset.

²³Aser Reuben chirtem arrtsü Yordan aser iba temeket liasü. Yangji aliba yim aser yimtitemji kibong apir Reuben chirtemi senmang amanga liasü.

²⁴Ano Mosai Gad kin nem parnok kibongtem apir alinük itemi senmangtsü asoshi agütsü.

²⁵Parnok arrtsüji Yaza, aser Gilead yimti ajak anüdoklen Ammon nunger kinük tesadang ka nungi Rabba anüdoklen tsütsü Aroer tashi;

²⁶Heshbon nungi Ramath-mizpa tashi, Betonim aser Mahanaim nungi Debir arrtsü tashi;

²⁷lenten linük nung Beth-hamaram, aser Bethnimra aser Sukkot, Zafon, Heshbon chuba Sihon yimti tanüngba Yordan aser iba temeket anüdoklen tsütsü Yordan ajanga or Khineret tzüyim tatem tashi liasü.

²⁸Yangji aliba yim aser yimtitemji parnok kibong apir Gad chirtemi senmang amangba liasü.

²⁹Mosai Manase kin tesadang ka nem parnok kibongtem apir senmangtsü asoshi alinük itemi agütsü.

³⁰Parnok arrtsüji Mahanaim nungi Bashan ajak, Bashan chuba Og yimli ajak, aser Bashan nung Jair yimtsüng roker tashi,

³¹Gilead tesadang ka, Bashan yimli nung Og chuba yimtitem Ashtarot aser Edrei. Item ajakji Manase jabaso Makhir chirtem tesadang ka nem senmangtsü agütsü.

³²Yordan ajanger Yeriko anüdoklen tsütsü Moab lenten nung, Mosai lemsatsüba senmanger itemji lir.

³³ Saka Mosai Levi kin nem senmangtsü magütsü; pai parnok dang jembiba ama KIBUBA Israel Tsüngrem par senmang lir.