Read njo YIHUSUA 16 Bible Online

YIHUSUA 16 - njo bible

YIHUSUA 16

¹Yosef chirtem nem lemzüktsüba linükji Yeriko anasa Yordan ayong Yeriko anüdoklen tsütsü tzü nungjagi tenzüker lisem lima tashi tur Bethel tenem linük tashi liasü.

²Bethel nungi Luz tashi or Arki nunger linük Atarot tashi;

³yang nungjagi anüolen tsütsü Yaflet nunger linüki lur Bethhoron yimlang nungi aser Gezer tashi aser aji Tzüyim nung tema liasü.

⁴Yosef dak jakzükba Manase aser Efraim, parnok senmangtsü asoshi iba linükji lemzük.

⁵Efraim chirtem parnok kibongtem apir lemzüktsüba senmangji ibai lir: anüdoklen arrtsüji Atarot-Adder nungi Beth Horon yimbang tashi,

⁶Yang nungjagi tzüyimi atu; anüdoklentip tsütsü Mikhemthath, anüdoklen arrtsü Taanath Shilo tashi oa Yanoa anüdoklen tashi liasü.

⁷Idak nungjagi Yonoa nungi Atarot aser Naarat tashi aser Yeriko tonga Yordani alu.

⁸Tappua nung anüolen tsütsüi Kana ayong tashi arrtsü ao aser idak nungjagi aoba tzüyim nung atem. Efraim chir kin parnok kibong apir senmang amangba ya lir.

⁹Manase chirtem senmang nungi Efraim chirtem atema balaka agiteta ayuba yimtitem den külemi parnok yim den yimti ajak parnok kibong apir agütsüba Efraim chirtem senmang ya lir.

¹⁰ Aser Gezer nung aliba Kanan nunger parnoki maridoktet; aji oda tanü tashi, Kanan nunger Efraim kin rongnung alir, aser kangshia inyaktsü kilir aküm.