Read njo YIHUSUA 19 Bible Online

YIHUSUA 19 - njo bible

YIHUSUA 19

¹Tanabuba shilem Simeon asoshi, oda Simeon chir kidong asoshi parnok kibong apir angu: aser par senmang Yihuda chir senmang rongnung liasü.

² Parnok senmang asoshi parnoki itemi angu; Beersheba mesüra Sheba aser Molada;

³Hazarshual, Bala, aser Ezem;

⁴Eltolad, Bethul, aser Horma;

⁵Ziglak, Beth-markabot, aser Hazar-susa;

⁶Beth-lebaot aser Sharuhen; parnok yim dena yimti terasem.

⁷Parnok meketa aliba yimtitem den ano yimti pezü: Ain, Rimmon, Ether aser Ashan, parnok yimtsüng dena yimti pezü.

⁸Item yimti meketa aliba yim ajak Baalath-beer, aji anüdoklentip Rama tashi liasü. Simeon chirtem kidong par kibong apir anguba senmang ya lir.

⁹Yihuda chirtem shilem nungi agiteta Simon chirtem senmang liasü; kechiaser Yihuda chirtem senmang parnok asoshi onsara liasü, anungji Simeon chirtem senmang par senmang rongnung liasü.

¹⁰Tasembuba shilem parnok kibong apir Zebulun chirtem asoshi agütsü. Aser par senmang arrtsü Sarid tashi liasü.

¹¹Yang nungjagi arrtsüji anüolen Mareal tashi tua Dabbeshet aser Yokenam anüdoklen aliba ayongnu tashi liasü.

¹²Sarid nungi anüdoklen Kislot Tabor Yafia arrtsü tashi; Daberat aser Yafia tashi liasü;

¹³idak nungjagi anüdok tsütsü Gath-hefer aser Et-kazin atener Rimmoni ao aser Nea tashi zünglok;

¹⁴anüdoklentip tsütsü arrtsüji Hanathon leni or Iftahel lenten nung tema liasü.

¹⁵Kattat, Nahalal, Shimron, Idala aser Bethlehem tashi, parnok yim dena yimti terana;

¹⁶parnok yim dena item yimti parnok kibong apir anguba Zebulun chirtem senmang lir.

¹⁷Pezübuba shilem Issakar, aser Issakar chirtem asoshi parnok kibong apir agütsü.

¹⁸Parnok arrtsü Yezreel, Chesulot, aser Shunem;

¹⁹Hafaraim, Shion, aser Anoharat;

²⁰Rabit, Kishion, aser Ebez;

²¹Remet, Engannim, Enhadda, aser Bethpazzez tashi liasü.

²²Aser Tabor, Shahazuma, aser Bethshemes tonga arrtsü liasü; aser parnok arrtsü Yordan nung tema liasü; parnok yim den yimti tertrok.

²³Ya parnok kibong apir anguba parnok yim den yimtitem, Issakar chirtem kidong senmang lir.

²⁴Pungububa shilem Asher chirtem kin asoshi parnok kibong apir angu.

²⁵Parnok arrtsü Helkath, Hali, Beten, Akashaf;

²⁶Allammelek, Amad, aser Mishal liasü; aser aji anüolen tsütsü Karmel aser Shihor-libnat tashi atong;

²⁷anüdoklen tsütsü Beth-dagon leni meyiper, Zebulun anüolentip tsütsü Iftahel lenten Beth-emek aser Neiel atong, aser tabelen nung Kabul;

²⁸aser Ebron, Rehob Hammom, aser Kana, oda Zidon tuluba tashi ao;

²⁹atsü agi atsübangba Tur yimti tashi Ramai arrtsü meyip aser arrtsüji Hosa leni meyip aser idak nungjagi aoba Akzib linük anasa tzüyim nung tema liasü;

³⁰Umma, Afek, aser Rehob dena; parnok yim den yimti metsür-ana.

³¹Parnok yim den item yimti ya Asher kidong chirtem parnok kibong apir anguba senmang liasü.

³²Trokbuba shilem Naftali chirtem atema, oda parnok kibong apir Naftali chirtem asoshi liasü.

³³Parnok arrtsü Helef Zaanammin nung sülemdong, aser Adami-nekeb aser Yabneel nungi Lakkum tashi liasü, aji Yordan nung tema liasü;

³⁴aser arrtsüji anüolen tsütsü Azothtabori meyip, aser Hukkoki ao, aji anüdoklentiplen Zebulun, anüolen Asher, aser anüdoklen tsütsü Yordan nung Yihuda tonga ao.

³⁵Lung tsüki agi meketbangba yimti itemi liasü; Sidim, Zer, Hammat, Rakkat, aser Khineret;

³⁶Adama, Rama, aser Hazor;

³⁷Kedesh, Edrei, aser En-hazor;

³⁸Iron, Migdalel, Horem, Beth-anat, aser Beth-shemes; parnok yim den item yimti ter-tuku.

³⁹Parnok yim den item yimti ya Naftali kidong chirtem parnok kibong apir anguba senmang liasü.

⁴⁰Tenetbuba shilem Dan chirtem kidong asoshi parnok kibong apir adok.

⁴¹Par senmang arrtsü ya liasü; Zora, Esrhaol, aser Irshemes;

⁴²Shaalabbin, Aijalon, aser Itla;

⁴³Elon, Timna, aser Ekron;

⁴⁴Elteke, Gibbethon, aser Baalat;

⁴⁵Yehud, Bene-berak, aser Gathrimon;

⁴⁶Mejarkon, Rakkon, aser Yopa jakdang arrtsü dena.

⁴⁷ Dan chirtem kidong arrtsü itemi atena ao kechiyong Dan chirtemi oa Leshem anema rara, aser aji atsüngtet aser aji nok agi samatsür parnok meyong aküm; aser idakji lia parnok tebu Dan nüngtem Leshem dang Dan aja.

⁴⁸Parnok yim den yimti item ya Dan chirtem kidong parnok kibong apir anguba senmang lir.

⁴⁹Kodang Israel nüburtemi senmangtsü asoshi linük arrtsü lemsabaji atem, parnoki Nun jabaso Yihusua nem senmangtsü asoshi alinük kar agütsü.

⁵⁰KIBUBAi melaba ama, parnoki pai asüngdangba yimti Efraim tenem linük nung Timmat Sera agütsü.

⁵¹Shilo nung KIBUBA tsüngdang sentep süki kikümbang nung an toktanga senmangtsü asoshi Eleazar putir, aser Nun jabaso Yihusua, aser Israel chirtem kidong tanishirtemi lemsatsüba senmang itemi lir. Aji oda parnoki linük alemba tatem aküm.