Read njo YIHUSUA 21 Bible Online

YIHUSUA 21 - njo bible

YIHUSUA 21

¹Idangji Levi kidong tanishirtemi Eleazar putir, aser Nun jabaso Yihusua, aser Israel chir kidong tongtipurtem anasai aru;

² aser Kanan lima Shilo nung parnoki parnok dang ashi, “Talidak yimtitem den onok kiset shiruru asoshi chiyimdak li onok nem agütsütsü KIBUBAi Mosa ajanga melaogo.”

³Aser KIBUBA ozüng ama, Israel chirtemi parnok senmang nungi item yimti den chimdak li Levi kidong nem agütsü.

⁴Kohat nunger kidong asoshi shilem adok; aser Levi kin Aron putir chirtem shilem yimti terasem, Yihuda kin nungi, Simeon kin nungi aser Benjamin kin nungi angu.

⁵Tanüngba Kohat chirtem shilem yimti ter Efraim kin kidong nungi, Dan kin kidong nungi, aser Manase kin tesadang nungi angu.

⁶Gershon chirtem shilem yimti ter-asem Issakar kin kidong nungi, Asher kin nungi, Naftali kin nungi, aser Bashan nungi Manase kin tesadang nungi angu.

⁷Merari chirtem shilem parnok kibong apir Reuben kin nungi, Gad kin nungi, aser Zebulun kin nungi, yimti ter-ana angu.

⁸KIBUBAi Mosa ajanga melaba ama, Israel chirtemi item yimti den chiyimdak li shilem Levi nunger nem agütsü.

⁹Yihuda aser Simeon kidong nungi parnoki item yimtitem ya agütsü,

¹⁰aser itemji Kohat kidong Levi chirtem Aron semchirtem atema liasü, kechiaser mezüngbuba shilemji parnoki angu.

¹¹Parnok nem Yihuda tenem lima aser iba temeket chiyimdak li Kiriath-Araba, Arbaji Anak tebu liasü, aji Hebron agütsü.

¹²Saka yimti moaputem aser yimtsüngtemji parnoki Yefune jabaso Kaleb meyong asütsü atema agütsü.

¹³Anungji Aron putir semchir nem parnoki jenokdak yimti Hebron, Libna den item yimtitem agütsü.

¹⁴Yattir, Eshtemoa,

¹⁵Halon. Debir,

¹⁶Ain, Yutta aser Bethshemes den parnok chiyimdak li, item kin ana nungjagi yim tuku,

¹⁷Benjamin linük nungi Gibeon aser Geba,

¹⁸Anathot, aser Almon den parnok chiyimdak li tena yim pezü.

¹⁹Aron chirtem putirtem yimti ajak agi chiyimdak dena terasem liasü.

²⁰Levi kin Kohat chir kibongtem nem Efraim kin nungi yimtitemji lemzüktsü.

²¹Nisung tepseter asoshi jenokdak yimti Efraim tenem nung Shekem den iba chiyimdak li, Gezer,

²²Kibzaim, aser Beth Horon den iba chiyimdak li dena yimti pezü;

²³aser Dan kin nungi Elteke, Gibbeton,

²⁴Aijalon, aser Gathrimon den parnok chiyimdak li dena yimti pezü agütsü.

²⁵Manase kin tesadang nungi yimti ana Taanak aser Gad Rimmon den chiyimdak parnoki agütsü.

²⁶Item yimti ter den chiyimdak li ajakji tenüngba Kohat kidong nem agütsü.

²⁷Levi nunger Gershon kibongtem nem Manase kin tesadang nungi yimti ana, nisung tepseter jenokdak yimti Golan nung Bashan, aser Be-eshtera den parnok chiyimdak dena agütsü.

²⁸Issakar kin nungi yimti pezü: Kishon, Daberat,

²⁹Yarmut aser Engannim den parnok chiyimdak dena,

³⁰Asher kin nungi yimti pezü: Mishal, Abdon,

³¹Helkath, aser Rehob den chiyimdak dena,

³²Naftali kin nungi yimti asem, nisung tepseter jenokdak yimti Galil nung Kedesh den chiyimdak li, Hammoth Dor, aser Karten den parnok chiyimdak li,

³³Gershon küm parnok kibong apir anguba ajak agi yimti terasem den parnok chiyimdak li liasü.

³⁴Aser tanüngba Levi kin Merari chir nem Zebulun kin nungi yimti pezü Yohneam, Karta,

³⁵Dimana, aser Nahalal den parnok chiyimdak li.

³⁶Aser Reuben kion nungi yimti pezü, Bezer den iba chiyimdak li, Yahaz den iba chiyimdak li,

³⁷Kedemot, Mefaat den iba chiyimdak li.

³⁸Gad kin nungi yimti pezü, nisung tepseter jenokdak yimti Gilead nung Ramoth den iba chiyimdak, Mahanaim,

³⁹Heshbon, aser Yazer den iba chiyimdak li.

⁴⁰Anungji Merari chirtem tanüngba Levi kibongtem parnok kibongtem apir anguba yimti ajak agi terana liasü.

⁴¹Israel chirtem shilem li rongnung Levi kin yimti ajak agi lirti den item chiyimdak li liasü.

⁴²Item yimti shia parnok temeket nung chiyimdak li liasü; item yimti ajak yangji liasü.

⁴³Anungji parnok tsürabur dang nangzükba lima ajak KIBUBAi Israel nem agütsü, aser parnoki aji agi aser idakji ali.

⁴⁴Aser pai parnok tsürabur dang nangzükba ama parnok temeket nung KIBUBAi parnok nem anisüngzük agütsü, aser parnok tsükchir nisung katia parnok tsüngdang menoktaktet; parnok tsükchir ajak KIBUBAi parnok ket nung bendanga agütsü.

⁴⁵Aser KIBUBAi Israel kidong dang jembiba ama mapa tajung ajak ka danga tamakok malu; ajak ataloka aru.