Read njo 2 TESALONIKA 2 Bible Online

2 TESALONIKA 2 - njo bible

2 TESALONIKA 2

¹ Adianutem, asen Kibuba Yisu Khrista tanaben arutsüba aser asenok pa den senteptsüba indang ni nenok dang shidi,

²Kibuba Anogo tang arua lir ta, shin-o agi süshia, osang agi süshia, tanela agi süshia nenok maoksadaktsütsü aser shisa mebulutsü ta ni mepishir.

³Kecha südanga shingaia nenok tekülakokdaktsü; kechiaser tashi mangasang tamasa arutsü aser ozüng mangasang jungkai adoktsü, paji tesamatsüba chir lir.

⁴Kechisa Tsüngrem tenüng nung ajar, mesüra kechisa külemer, pai item ajak madak pei sasa ajongketer; aser pa sasa temabai ajongketer, pai Tsüngrem tenla kidang mener, pei sasa Tsüngrem ta sayutsü.

⁵Ni ano nenok den alidang, itemi nenok dang ashi ta nenoki mebilemteter no?

⁶Aser pai pei tsüngkhüm nung jungkai adoktsü asoshi, pa dak kechi agi atsüiter, aji nenoki meteta lir.

⁷Kechiyong ozüng mangaba miim oji joko tang mapa inyakdagi, saka tang shibai atsüiter pa magien tashi kechi jungkai adoktsü ali, aji madoki alitsü.

⁸ Ajiser iba ozüng mangasang jungkai adokdaktsütsü, aser Kibuba Yisui pa tebang tangula agi pa tepsettsü, aser pa aruba jungkai adokba agi pa tatembang kümdaktsütsü.

⁹ Ozüng mangasang arubaji Satani inyakba agi temaitsütem aser tesüngmangtsütem sayuba den,

¹⁰aser shirnok samadagi parnok asoshi tamajung tashioktsüba alitsü, kechiaser parnok kümzüka alitsü asoshi ochi meimbaji parnoki magizük.

¹¹Aser aji asoshi shiri ochi nung mamangi memeshiba nung pela, parnoki tiyazü amangtsü asoshi,

¹²aser parnok ajak o bendangtsü asoshi, parnok dangi Tsüngremi tai inyakba ka yoker.

¹³Saka Kibubai meimba adianutem, nenok asoshi onoki Tsüngrem nem teti tenüngsang agütsütsü tim lir, kechiyong Tanelai meshitettsüba aser ochi amangba ajanga tekümtet asoshi Tsüngremi tetenzük nungi nenok shimtet.

¹⁴Kibuba Yisu Khrista sentsüwangshi ajangzüktsü asoshi pai onok osangtajung ajanga nenok aja.

¹⁵Anungji adianutem, akang akanga noktakang, aser onok shiti agi süshia, o agi süshia, nenok dang kechi o sayu aji akanga ametang.

¹⁶Tang pa asen Kibuba Yisu Khrista pa sasa, aser asen Tebu Tsüngrem, shibai asenok dang meim, aser nenok nem taochi ajanga teti tatem makaba tesünep, aser teimla tajung agütsü,

¹⁷pai nenok temulung sünepjang. O aser mapa tajung ajak nung itemi yangerdakjang.