Read njo TITA 2 Bible Online

TITA 2 - njo bible

TITA 2

¹Saka na asoshibo atangji tesayuba den apet sayuang.

²Tamburtem, teyari, tesüngjem, teshisadangba, aser tamang nung, temeim nung, aser taremzük nung tashi ita alitsü sayuang.

³Tantsürtem yamajisa jaklaliro nung akhümtsübutsü, tebang melili mesüra yi lar masü, tajung sayur asütsü sayuang.

⁴Tsüngrem o mataladaktsütsü asoshi, parnoki aiürtem dang pei kinungpurtem aser tanurtem meimtsü sayuang,

⁵temerük, ki mapa nung tetangshi, yimlibilemba aser pei kinungpu kübok alitsü sayutsüla.

⁶Asangurtema yamajisa teshisadang alitsü ajungshiang.

⁷Ne sasa kechisarena nung mapa tajung tatishitsü sayuang, aser ne tesayuba nung nendakang.

⁸Asen tsütsü mateneri asenok anema o tamajung ashitsü maka nung, ne tesayuba nung temerük, teshisadangba, mezüngmeshi masütsü o atangji sayuang.

⁹Kilirtem, asen Kümtetdakba Tsüngrem tesayuba kechisarena nung mera ketdaktsütsü asoshi, pei kibur kübok aser ajak nung parnok temulung chidaktsütsü,

¹⁰melangzütepi, aser mauyai, ajak nung temulung lemtetba sayutsü ajungshiang.

¹¹Kechiyong nisung ajak dangi tekümtet bener arutsü Tsüngrem taochi jungkai adokogo

¹²aser asenoki memeshiba aser alima azüabung menangzüki, teshisadangba, temeshi, Tsüngrem tsübua iba akümli taküm alitsüsa,

¹³aser temoatsü teimlaba aser tulusang Tsüngrem aser asen Kümtetdakba Yisu Khrista sentsüwangshi jungkai adokba repranga atatsü asenok dang iba taochi sayur.

¹⁴ Pai asenok dang temenen ajak nungi kümzüktsü asoshi pei sasa asenok asoshi agütsü, aser mapa tajung asoshi jangra-a alitsü atema nisung telok ka pa asoshi meshitettsütsü.

¹⁵Nai bangdak tashi ajak agi item jembiang, aser ajungshiang aser arüjang. Shinga nema na mezüngmeshi tesüdaktsü.