Read njo IBRI 3 Bible Online

IBRI 3 - njo bible

IBRI 3

¹Anungji Kotaker ajaba nung adener temeshi adianutem, asenoki nangzüka amangba tenyar aser temaba Putir, oda Yisu bilemdangang.

² Kechi koda Mosa Tsüngremer kibong nung temulung lemteta liasü, aji oda shibai pa shimtet, pa-a temulung lemteta liasü.

³Kechiyong ki dang nungi ki yanglusangi koda tali tetushi angur; yamaji Mosa dang nungi Yisuji tali sentsüwangshi tetemsü ta züngshir.

⁴Kechiyong ki shiaji nisung kari yanglur, saka kechisarena yanglusangji Tsüngrem lir.

⁵Aser kechi tarutsü nung jembitsü liasü, item kuli asoshi kilir ka ama, Mosa pa kibong ajonga nung temulung lemtetba liasü.

⁶Saka Khristabo Techir ka ama Tsüngrem kibong madak temulung lemtetba lir. Aser asenoki asen tasü aitba aser teimlaji tatem tonga azüitra, asenoka pa ki lir.

⁷ Tanela Temeshi-i ashiba ama; “Tanü nenoki pa ola angashira, nenok temulung temerang.

⁸Kechi koda teküptepdang, arem nung tatitangba anogo nung,

⁹Kong nenok tetsü-teboutemi tatitangba agi kü dang atitang, aser küm lir tashi kü mapatem angu.

¹⁰Iba yongji iba putu den ni ain adoka liasü, aser ashi, ‘parnoki teti parnok temulung nung mashileni aor aser parnoki kü lenmangtem memetet.’

¹¹Kü ain adokba nung ni azüngashiba amato, parnoki kü anisüngzük daki kodanga maitsüla.”

¹²Adianutem, taküm Tsüngrem nungi tsüktsüsa nenok kar dak mamangba temulungjang malitsü kümdangang.

¹³Saka temenen tekülakoktsübai nenok anisa-a lir ta sür “Tanü” ta ajaba mapang ali tashi, anogo shia kati ka ajungshiang.

¹⁴Kechiyong asenoki asen tetenzük tamang akang akanga tatem tonga ametra, asenok Khrista nung lemsateper lir.

¹⁵Kechiyong ashiba ama, “Tanü nenoki pa ola angashira, teküptepdang amato, nenok temulung temerang.”

¹⁶ Kechiyong shirisa angashir keptep? Parnokji Ijip lima nungi Mosai anir aruba ajakto masü no?

¹⁷Aser küm lir tashi, shir dang pai mepelai liasü? Temenen menartem shirnok temang azüngmeyakdak arem nung lao, parnok dang masü no?

¹⁸Aser pa anisüngzükdaki maitsüla ta shirnok dang pai azüngashi, parnokji tashi mangartem dang masü no?

¹⁹Anungji mamangba yong parnoki meitet ta asenoki angur.