Read njo 2 YOHAN 1 Bible Online

2 YOHAN 1 - njo bible

2 YOHAN 1

¹Tambur nungi teshimtet tamarentsür aser la chirtem[1] dangi, shiba dang ni ochi nung meimer, aser ni dang masü saka ochi meteter ajaki meimer,

²kechiaser ochiji onok dak lir aser teti onok dak alitsü.

³Tebu Tsüngrem nungi aser Tebu Techir Yisu Khrista nungi taochi, yimlibilem tesünep ochi nung aser temeim nung asenok den alitsü.

⁴Tebu nungi anguba ozüng amato ne chirtem kar ochi nung jajaba ngua, ni kanga pelaseter.

⁵ Aser tang tamarentsür ni ne dangi ozüng tasen zülur amato masü, saka tetenzük nungi onoki kechi ozüng angu, iba amato asenoki kati ka den meimteptsü ni ne dang mepishir.

⁶Aser asenoki pa ozüng amato jajatsüla, aji temeim lir. Nenoki tetenzük nungi angashiba amato ozüngji ya lir, oda nenoki iba temeim nung jajatsüla.

⁷Kechiyong tekülakoktsür jenti alima nung adokogo. Yisu Khrista shi nung aru, ajia parnoki menangzüker. Aji tekülakoktsür aser Khrista anemer lir.

⁸Asenoki kechisa inyakogo, item ajak asenoki mamadoktsü, saka tajangzük tabensa angutsü asoshi nenoki pei sasa kümdangang.

⁹Shibaisa tesüleni aor aser Khristai sayuba nung malir pa Tsüngrem maka. Shibai tesayuba nungji alir, paji Tebu aser Techir anaprongla kar.

¹⁰Kari iba tesayuba mebeni ne dangi arura, ajangla pa ne kidang tanendaktsü, aser pa nem salem tagütsü.

¹¹Kechiaser shibai pa nem salem agütsür, pai pa mapa tamajung nung lemsateper akümer.

¹²Nenok dangi zülutsü o jenti alinung, ni kaket aser shiai agi mezülunür. Saka nenok pelaba peridaktsütsü asoshi, nenok dangi arua tejak o tejak na ajurutepa o jembitsü ni imlar.

¹³Ne teshimtetba adianutsür chirtemi ne nem salem agütsür.