Read njo 3 YOHAN 1 Bible Online

3 YOHAN 1 - njo bible

3 YOHAN 1

¹ Tambur nungi temeimba Gaya dangi, shiba dang ni ochi nung meimer.

²Temeimbatem, ne taküm koda renloker, aji oda ajak nung na renloka aser anema alitsü ni sarasademer.

³Kechiyong kodang adianutemi arua ne ochi indang, oda nai koda ochi nung jajar iba indang kuli agütsü, indangji ni kanga dang pela.

⁴Kü chirtemi ochi nung jajaba angashiba dang nungi ni tanga tepela tuluba kecha melika.

⁵Temeimba, nai adianutem tongtibangsa aener adianutem dang kechi mapasa inyaker aji temulung lemtetba mapa inyaker.

⁶Parnoki arogo nunger madang ne temeim indang kuli agütsür; aser nai parnok Tsüngrem madang tetemsü küma lenmang nung minoktsütsü junger.

⁷Kechiyong parnoki Bendangertem nungi kecha magi-i tenüngji asoshi oadok.

⁸Anungji ochi nung külem inyakertem asenok akümtsüsa asenoki ibala purtem yaritsüla.

⁹Ni arogo dang tera zülu, saka parnok rongnung tazüngtiba kümnüba, Diotrefai kü bangdak magizüker.

¹⁰Anungji ni arura, pai inyakba mapa ajak nenok nem bilemtetdaktsütsü; pai onok anema o tamajungtem aser tiyazü jenti jembir. Aser iba jagi temulung mesüi, pai adianutem pei sasa magizüker, aser ano shirnoki agizüker, pai parnok songtemer aser arogo nungi atsüngtsür.

¹¹Temeimba, nai tamajungba jilu maji-i, kechi tajung iba jilu ajiang. Shibai tajung inyaker pa Tsüngrem nungi, shibai tamajung inyaker pai Tsüngrem mangu.

¹²Demetria indang nisung ajaki aser ochi-i iba sasa kuli agütsür. Aser onok kuli atangji ta nai metet.

¹³Ne dangi zülutsü jenti liasü, saka shiai aser kolem agi zülutsü ni memulunger.

¹⁴Saka na yakta arutsü aser asenoki tejak o tejak na ajurutepa jembitsü ta ni imlar.

¹⁵Ne dangi tesünep sang. Tamburtemi ne nem salem agütsür. Nai tembartem tenüng ja-a salem agüjang.