Read njo JUNGKAI ADOKBA 15 Bible Online

JUNGKAI ADOKBA 15 - njo bible

JUNGKAI ADOKBA 15

¹Idangji kotak nung tesüngmangtsü temaitsü tulu ka ni angu, oda temerenshi tenet akaba tenyar tenet. Itemji tatembangba temerenshi, kechiaser item yagi Tsüngremer ain adokba terenem akümtsü.

²Aser mi den meyoktepba tanüdangtsü tzüyim ka ama ni angu, aser shirnok iba shiruru aser iba süngyanglu aser iba tenüng yongsük madang takoker aküm, parnokji Tsüngrem kongki amer, iba tanüdangtsü tzüyimkhüm nung noktaka ni angu.

³ Aser parnoki Tsüngrem tenzüker Mosa ken, aser San Chanu ken tena ashi: “Oh ajak Takoksang Kibuba Tsüngrem, ne lenmangtem ochi aser tesüngmangtsü lir; Oh kintem[3] Chuba! Oh Kibuba, shibai metsübutsü, aser ne tenüng sentsü mewangshitsütsü?

⁴ Kechiaser temeshibaji na dang lir; kechiyong ne obendangba jungkai adok nung kin ajak arua na külemtsü.”

⁵ Item süir külen, ni kotak nung aliba kuli süki tenla ki lapoka angu.

⁶Aser iba tenla ki nungi temerenshi tenet akaba tenyar tenetji adok. Parnok khenyongi temerük sentsüprang sobutsü sobur, aser hon peremlen agi parnok teku nair liasü.

⁷Aser taküm shiruru pezü rongnung kati item tenyar tenet nem teti tatem maka taküm aliba Tsüngrem ain adokba agi sünga hon marok tenet agütsü.

⁸ Aser Tsüngrem sentsüwangshi aser pa ain nungi adokba mokozü agi tenla kiji asüng aser item tenyar teneti temerenshi tenetji merenem tashi shingaia iba tenla kidangi aitsü mokoki liasü.