Read njo 1 SAMUEL 21 Bible Online

1 SAMUEL 21 - njo bible

1 SAMUEL 21

¹ Idangji Dawidi putir Abimelek dangi Nobi aru. Abimeleki Dawid den ajuruteptsü atentena adok aser ashi, “Kechiba na kija dang, aser ne den shinga mali?”

²Dawidi putir Abimelek dang langzü, “Chubai mapa ka inyaktsü kü nem nunglokja ashi, koba mapa asoshi ni na yoker aser ni kechi nungloktsür aji shinga nema temetetdaktsü. Aser kü asangurtem dang tesem ka nung kü den ajuruteptsü ni shiogo.

³Anungji tang ne ket nung kechisa ali? Kü nem amtsük pungu mesüra yangji kechisa ali aji kua.”

⁴Putir jagi Dawid dang langzü, “Kü ket nung teti achiba amtsük kecha mali, aji saka asangurtemi tetsür nungi pei sasa meshiteta lira yangji temeshitetba amtsük kar.”

⁵Dawidi langzü, “Atangji akhi yimya aeni aoba dang tali item anogo asem ya onok nungi tetsürtemji pila-a lir, anungji tanü balaka asangurtemji meshiteta melika ma?”

⁶ Idakji teti meshiteter yua aliba amtsük koba amtsük talem agi melenba anogo nung KIBUBA madang nungi agiena liasü iba dak alema tanga kecha mali nung putiri pa nem ibaji agütsü.

⁷Panüji Saul tenzüker ka KIBUBA madang tezüngzükba ka atema idakji liasü. Paji Edom nunger Doeg Sauler sannüker tongtiba liasü.

⁸Idangji Dawidi Abimelek dang ashi, “Yangi ne ket nung nok mesüra nü mali no? Kechiaser chubar mapaji kanga ilungraba agi ni kü nok o nü mebentet.”

⁹ Putir jagi langzü, “Ela lenten nung nai Filistia nunger Goliat tepsetba nok dang kü ket nung lir, putir temeshi sobutsü sülen aji sü ka agi aleper kar; nai aji aginüra agiang, kechiaser iba dak alema idaki kecha maka.” Dawidi ashi, “Iba nok dak alaka tajungba kechi ali, aji kü nem kua.”

¹⁰Panüji Dawidi Saul nungi jena oa Gat chuba Akis dangi ao.

¹¹ Saka Akis tenzükertemi pa dang ashi, “Ibai linük chuba Dawidto masü no, Pa indang ya oda ken maten no? “Sauli meyirijang tepset, saka Dawidibo meyirijang ter tepset.”

¹² Dawidi item olaji pei mulung nung ayu, aser Gat chuba Akisji onsara tsübua liasü.

¹³ Anungji pai parnok madang yiar ama pa yimya melenshia sayu; aser kikümbang kishi nung ajenshia pa metsü pei bangsemo manung, yanga aludaktsü.

¹⁴Idangji Akisi pei tenzükertem dang ashi “Reprangang, nisungbaji yiar ta meteter nenoki pa kü dangi anir arur no?

¹⁵Ni yiar agi anünga ali ama nenoki pa kü dangi anir aru no? Iba nisung kü kidangi aitdaktsütsü no?”