Read north okpela arhe iMatiu 1 Bible Online

iMatiu 1 - north okpela arhe bible

iMatiu 1

¹Ona o khi akẹkẹ shi ekẹ abi unuẹkpẹ oyi iJesu iKirisiti Omi iDefidi ni ọ khi Omi Aburaamu o li zẹ.

²Aburaamu ọ bia Aziki, Aziki ọ bia iGiekọpu, IGiekọpu ọ bia iJuda ali inyọghuo ọli nya.

³IJuda ọ bia iPẹrẹzi ali iZẹra, ọkpotso ni ọ bia wẹ, a lu iTama. IPẹrẹzi ọ bia Ezirọni. Ezirọni ọ bia iRamu.

⁴IRamu ọ bia Aminadabu. Aminadabu ọ bia iNashọni, iNashọni ọ bia iSalimọni.

⁵ISalimọni ọ bia iBoazi, ọkpotso ni ọ bia iBoazi, a lu iRe-abu. IBoazi ọ bia Obẹdi ni a lu inyọli iRutu. Obẹdi ọ bia iJese.

⁶IJese ọ bia iDefidi ni ọ khi oghie. IDefidi ọ bia iSolomoni ni inyọli ọ kpẹ khi ughuẹ Uraya.

⁷ISolomoni ọ bia iReobuamu. IReobuamu ọ bia Abija. Abija ọ bia Asa.

⁸Asa ọ bia iJeoshafati. IJeoshafati ọ bia iJeoramu, iJeoramu ọ bia Uzaya.

⁹Uzaya ọ bia iJotamu. IJotamu ọ bia Aazi. Aazi ọ bia Ezekaya.

¹⁰Ezekaya ọ bia iManasẹ, iManasẹ ọ bia Amọni. Amọni ọ bia iJosaya.

¹¹IJosaya ọ bia iJekonaya ali inyọghuo ọli nya ẹghẹghẹ ni a rọ muno ẹgbọ iZirẹni ighumha je iBabilọ.[1]

¹²Abi e ke rọ rọte iBabilọ jele, iJekonaya ọ bia iShalitiẹni. IShalitiẹni ọ bia IZerubabẹli.

¹³IZerubabẹli ọ bia Abiudu. Abiudu ọ bia Eliakimu. Eliakimu ọ bia Azori.

¹⁴Azori ọ bia iZadọki. IZadọki ọ bia Akimu. Akimu ọ bia Eliudu.

¹⁵Eliudu ọ bia Eliaza. Eliaza ọ bia iMataani. IMataani ọ bia iGiekọpu.

¹⁶IGiekọpu ọ bia iJosẹfu, ni ọ rue iMeli inyi iJesu shi ni a lu iKirisiti.

¹⁷Rọte ẹghẹghẹ Aburaamu bhale ẹghẹghẹ iDefidi, e khi agbhotu igbẹne. Ke rọte ẹghẹghẹ iDefidi bhale ẹghẹghẹ ni a rọ muno ẹgbọ iZirẹni ighumha je iBabilọ, e khi agbhotu igbẹne. Ke rọte ẹghẹghẹ iBabilọ bhale ẹghẹghẹ ni a rọ bia iJesu iKirisiti, e gbo li khi agbhotu igbẹne ghọ.

¹⁸Abi a li bia iJesu iKirisiti na. Neni iMeli inyọli ọ ngeli na iJosẹfu ni ọọ gue ọli. A bhale ya ẹ khi iMeli ọọ mẹ ọmọ ni ọ rọte obọ oyi Ayẹmhẹ-nọ-pfuasẹ bhale.[2]

¹⁹Itobọ khi iJosẹfu ughuọli, ọ khi ọgbọ ni ọ guẹ angeli, ọọ sali shi udu khi lọli ya kuegbe-a ri imeli shi ekẹ, ini lọli khi yẹghẹ ọlia ukpẹloe agbọ.

²⁰Abi ọ lii sa ona shi udu, agẹni ọ bhale deba li alo ẹlena, ọọ li, “IJosẹfu omi iDefidi, khi ke zẹ ni ulishi o mu ẹ abi u li ya rue iMeli shi ughuẹ, irari khi ọmọ ni ọọ mẹ, obọ oyi Ayẹmhẹ-nọ-pfuasẹ ọ te bhale.

²¹Ọ ya bia ọmọ ọmọse, eva ni u ya lu ọni ọmọ khi iJesu, irari khi ọ ya mie ẹgbọ eyọli olamhẹ pfuese.”[3]

²²Eri a mẹ enana ni a rọ bhẹ ya ẹ khi ingmemhi ni Ẹshinẹgba ọ rọte unu oyi ọmekẹguele ngme, ni e bhale ya tsẹ. Ni ọọ,

²³“Ghe khẹ! Ọmueshi ni ọa lẹ deba ọmọse ghue ọ ya ke mẹ ọmọ, ọ bia ọmọ ọmọse, eva oyọli a ya ke lu iManuẹni.”[4] Abi ona o ngme khi, “Ẹshinẹgba ọ nu awa la.”

²⁴Abi iJosẹfu ọ rọ guale, ọ riẹlẹ emini Ọnọmhuẹ ọ mhẹsẹ na li ọ riẹlẹ, ọ rue iMeli ughuẹ abi Ẹshinẹgba ọ gueyẹ ọli.

²⁵Eri-tsẹ khi iJosẹfu ọa tigbe lẹ deba iMeli, ramhi ni ọ rọ bia ọni ọmọ ọmọse. IJosẹfu ọ lu eva oyi ọni ọmọ, iJesu.[5]