Read nso JENESIS 5 Bible Online

JENESIS 5 - nso bible

JENESIS 5

¹Nka bu akwukwọ osuso-ọmumu nile nke Adam. N'ubọchi Chineke kere madu, n'oyiyi Chineke ka O mere ya;

²nwoke na nwayi ka O kere ha; Ọ gọzie ha, kpọ aha-ha Madu, n'ubọchi ekere ha.

³Adam we di ndu ọgu arọ isi na iri, ọ mua nwa n'oyiyi-ya, dika onyinyo-ya si di; ọ kpọ aha-ya Set:

⁴ubọchi nile nke Adam, mbe ọ musiri Set, bu nnù arọ abua: ọ mua umu-ndikom na umu-ndinyom.

⁵Ubọchi nile nke Adam di ndu we buru nnù arọ abua na ọgu isi na iri: o we nwua.

⁶Set di ndu ọgu arọ ise na ise, ọ mua Enosh:

⁷Set di ndu, mb͕e ọ musiri Enosh, nnù arọ abua na asa, ọ mua umu-ndikom na umu-ndinyom:

⁸ubọchi nile nke Set we buru nnù arọ abua na ọgu ise na iri na abua: o we nwua.

⁹Enosh di ndu ọgu arọ anọ na iri, ọ mua Kenan:

¹⁰Enosh di ndu, mb͕e ọ musiri Kenan, nnù arọ abua na iri na ise, ọ mua umu-ndikom na umu-ndinyom:

¹¹ubọchi nile nke Enosh we buru nnù arọ abua na ọgu ise na ise: o we nwua.

¹²Kenan di ndu ọgu arọ atọ na iri, ọ mua Mahalalel:

¹³Kenan di ndu, mb͕e ọ musiri Mahalalel, nnù arọ abua na ọgu abua, ọ mua umu-ndikom na umu-ndinyom:

¹⁴ubọchi nile nke Kenan we buru nnù arọ abua na ọgu ise na iri: o we nwua.

¹⁵Mahalalel di ndu ọgu arọ atọ na ise, ọ mua Jered:

¹⁶Mahalalel di ndu, mb͕e ọ musiri Jered, nnù arọ abua na oru na iri, ọ mua umu-ndikom na umu-ndinyom:

¹⁷ubọchi nile nke Mahalalel we buru nnù arọ abua na ọgu anọ na iri na ise: o we nwua.

¹⁸Jered di ndu ọgu arọ asatọ na abua, ọ mua Inok:

¹⁹Jered di ndu, mb͕e ọ musiri Inok, nnù arọ abua, ọ mua umu-ndikom na umu-ndinyom:

²⁰ubọchi nile nke Jered we buru nnù arọ abua na ọgu asatọ na abua: o we nwua.

²¹Inok di ndu ọgu arọ atọ na ise, ọ mua Metusela:

²²Inok na Chineke we yikọ nējeghari, mb͕e ọ musiri Metusela, ọgu arọ iri-na-ise, ọ mua umu-ndikom na umu-ndinyom:

²³ubọchi nile nke Inok we buru ọgu arọ iri-na-asatọ na arọ ise:

²⁴Inok na Chineke we yikọ nējeghari: ọ nọghi kwa: n'ihi na Chineke kuru ya la.

²⁵Metusela di ndu ọgu arọ iteghete na asa, ọ mua Lemek:

²⁶Metusela di ndu, mb͕e ọ musiri Lemek, nnù arọ na ọgu iri-na-iteghete na arọ abua, ọ mua umu-ndikom na umu-ndinyom:

²⁷ubọchi nile nke Metusela we buru nnù arọ abua na ọgu asatọ na iteghete: o we nwua.

²⁸Lemek di ndu ọgu arọ iteghete na abua, ọ mua nwa-nwoke:

²⁹ọ kpọ aha-ya Noa, si, Onye a gākasi ayi obi banyere ọlu-ayi, banyekwara ndọb͕u ayi ji aka-ayi adọb͕u onwe-ayi n'ọlu, bú nke putara n'ala Jehova buworo ọnu.

³⁰Lemek di ndu, mb͕e ọ musiri Noa, nnù arọ na ọgu iteghete na iri na ise, ọ mua umu-ndikom na umu-ndinyom:

³¹ubọchi nile nke Lemek we buru nnù arọ na ọgu iri-na-asatọ na arọ iri na asa: o we nwua.

³²Noa we b͕a nnù arọ na ọgu ise: Noa we mua Shem, na Ham, na Jefet.