Read nso NEHEMAIA 7 Bible Online

NEHEMAIA 7 - nso bible

NEHEMAIA 7

¹O rue, mb͕e alusiri mb͕idi ahu, mb͕e m'guzosi-kwa-ra ibo-ọnu-uzọ-ya nile, mb͕e emesi-kwa-ra ndi-ọnu-uzọ-ama na ndi-ọbù-abù na ndi-Livai ka ha lekọta ozi-ha,

²na m'nyere Hanani, bú nwa-nnem, na Hananaia, bú onye-isi ulo uku eze, iwu bayere Jerusalem: n'ihi na onye ahu bu onye ezi-okwu, ọ nātu kwa egwu Chineke kari ọtutu madu.

³M'we si ha, Ka aghara imeghepu ọnu-uzọ-ama Jerusalem rue mb͕e anyanwu di ọku; na mb͕e ndi-nche nēguzo kwa na nche-ha, ka ha mechie uzọ, kpọchi-kwa-nu ha: guzo kwa ndi bi na Jerusalem na nche, nwoke ọ bula nime nche-ya, nwoke ọ bula kwa na ncherita-iru ulo-ya.

⁴Ma obodo ahu sara mbara n'aka abua, di kwa uku: ma ndi-ayi di ole-na-ole n'etiti ya, ulo adighi kwa nke ewuru ewu.

⁵Chinekem we tiye ya n'obim, m'we chikọta ndi amara aha-ha, na ndi nọchiri anya eze, na ndi-ayi nile, ka ewe de ha n'akwukwọ-osuso-ọmumu. M'we chọta akwukwọ osuso-ọmumu nke ndi rigotaworo na mbu, m'we hu ihe a edeworo nime ya:

⁶Ndia bu umu ala ahu anāchi achi, ndi nārigo, bú ndi sitere na ndọta-n'agha ahu nke ndi emere ka ha je biri n'ala ọzọ, ndi Nebukadneza, bú eze Babilon, mere ka ha je biri n'ala ọzọ, ha we lata na Jerusalem, lata kwa na Juda, nwoke ọ bula n'obodo-ya;

⁷ndi nābia, ha na Zerubabel, na Jeshua, na Nehemaia, na Azaraia, na Raamia, na Nahamani, na Mọdekai, na Bilshan, na Misperet, na Bigvai, na Nehum, na Beana. Ọnu-ọgugu ndikom nke ndi Israel:

⁸Umu Parosh, nnù ise na ọgu asatọ na iri na abua.

⁹Umu Shefataia ọgu iri-na-asatọ na iri na abua.

¹⁰Umu Ara, nnù na ọgu iri-na-abua na iri na abua.

¹¹Umu Pahat-moab, nke umu Jeshua na Joab, nnù asa na iri na asatọ.

¹²Umu Ilam, nnù atọ na ọgu abua na iri na anọ.

¹³Umu Zatu, nnù abua na ọgu abua na ise.

¹⁴Umu Zakai, nnù na ọgu iri-na-asatọ.

¹⁵Umu Binui, nnù na ọgu iri-na-abua na asatọ.

¹⁶Umu Bebai, nnù na ọgu iri-na-otù na asatọ.

¹⁷Umu Azgad, nnù ise na ọgu iri-na-isi na abua.

¹⁸Umu Adonikam, nnù na ọgu iri-na-atọ na asa.

¹⁹Umu Bigvai, nnù ise na ọgu atọ na asa.

²⁰Umu Adin, nnù na ọgu iri-na-abua na iri na ise.

²¹Umu Atea, nke Hezekaia, ọgu anọ na iri na asatọ.

²²Umu Hashum, ọgu iri-na-isi na asatọ.

²³Umu Bezai, ọgu iri-na-isi na anọ.

²⁴Umu Harif, ọgu ise na iri na abua.

²⁵Umu Gibeon, ọgu anọ na iri na ise.

²⁶Ndikom Bet-lehem na Netofa, ọgu iteghete na asatọ.

²⁷Ndikom Anatot, ọgu isi na asatọ.

²⁸Ndikom Bet-azmavet, ọgu abua na abua.

²⁹Ndikom Kiriat-jearim na Kefira na Beirot, nnù na ọgu iri-na-asa na atọ.

³⁰Ndikom Rema na Geba, nnù na ọgu iri-na-otù na otù.

³¹Ndikom Mikmas, ọgu isi na abua.

³²Ndikom Bet-el na Ai, ọgu isi na atọ.

³³Ndikom Nebo nke-ọzọ, ọgu abua na iri na abua.

³⁴Umu Ilam nke-ọzọ, nnù atọ na ọgu abua na iri na anọ.

³⁵Umu Harim, ọgu iri-na-isi.

³⁶Umu jeriko, ọgu iri-na-asa na ise.

³⁷Umu Lod na Hadid na Ono, nnù n' ọgu na iri-na-isi na otù.

³⁸Umu Senaa, nnù iteghete na ọgu iri-na-isi na iri.

³⁹Ndi-nchu-àjà: umu Jedaia, nke ulo Jeshua, nnù abua na ọgu asatọ na iri na atọ.

⁴⁰Umu Imea, nnù abua na ọgu iri-na-abua na iri na abua.

⁴¹Umu Pashua, nnù atọ na ọgu abua na asa.

⁴²Umu Harim, nnù abua na ọgu iri na iri na asa.

⁴³Ndi Livai: umu Jeshua, nke Kadmiel, nke umu Hodeva, ọgu atọ na iri na anọ.

⁴⁴Ndi ọbù-abù: umu Esaf, ọgu asa na asatọ.

⁴⁵Ndi-ọnu-uzọ-ama: umu Shalum, na umu Atea, na umu Talmon, na umu Akub, na umu Hatita, na umu Shobai, ọgu isi na iri na asatọ.

⁴⁶Netinim: umu Ziha, na umu Hasufa, na umu Tabaot;

⁴⁷na umu Keros, na umu Sia, na umu Padon;

⁴⁸na umu Lebana, na umu Hagaba, na umu Salmai;

⁴⁹na umu Hanan, na umu Gidel, na umu Gaha;

⁵⁰na umu Reaia, na umu Rezin, na umu Nekoda;

⁵¹na umu Gazam, na umu Uza, na umu Pasea;

⁵²na umu Besai, na umu Meunim, na umu Nefushesim;

⁵³na umu Bakbuk, na umu Hakufa, na umu Hahua;

⁵⁴na umu Bazlit, na umu Mehida, na umu Hasha;

⁵⁵na umu Bakos, na umu Sisera, na umu Tema;

⁵⁶na umu Nezia, na umu Hatifa.

⁵⁷Umu ndi-orù Solomon: umu Sotai, na umu Soferet, na umu Perida;

⁵⁸na umu Jaala, na umu Dakon, na umu Gidel;

⁵⁹na umu Shefataia, na umu Hatil, na umu Pokeret-hazebaim, na umu Emon.

⁶⁰Netinim nile, na umu ndi-orù Solomon, di ọgu iri-na-iteghete na iri na abua.

⁶¹Ndia bu kwa ndi nārigo site na Tel-mela na Tel-hasha na Kerub na Adon na Imea: ma ha apughi igosi ulo nke ndi bu nna-ha, ma-ọbu nkpuru-ha, ma ọ bu Israel ka ha siri puta:

⁶²umu Delaia, na umu Tobaia, na umu Nekoda, nnù na ọgu iri-na-abua na abua.

⁶³Site kwa na ndi-nchu-àjà: umu Họbaia, na umu Hakoz, na umu Bazilai, onye luru nwunye sitere n'umu-ndinyom Bazilai, bú onye Gilead, ewe kpọ ya aha n'aha-ha.

⁶⁴Ndia chọrọ odide-akwukwọ-ha n'etiti ndi edere n'akwukwọ-osuso-ọmumu, ma achọtaghi ya: ewe gua ha na ndi nādighi nsọ, ewe wepu ha n'ọlu-nchu-àjà.

⁶⁵Tiashata we si ha, ka ha ghara iri ihe n'ihe nsọ kachasi ihe nsọ nile, rue mb͕e onye-nchu-àjà gēwere Ìhè na Izu-okè guzo.

⁶⁶Nkpọkọta ahu nile n'otù di orú nnù uzọ ise na nnù ise na ọgu iri-na-asatọ,

⁶⁷nāgughi orù-ha ndikom na orù-ha ndinyom, ndi di nnù iri-na-asatọ na ọgu isi na iri na asa: ha nwe-kwa-ra ọgu madu iri-na-abua na ise bu ndikom nābù abù na ndinyom nābù abù.

⁶⁸Inyinya-ha di nnù na ọgu iri-na-isi na iri na isi; inyinya mule ha di ọgu iri-na-abua na ise;

⁶⁹camel-ha di nnù na orú na iri na ise; inyinya-ibu-ha di nnù iri-na-isi na ọgu iri-na-isi.

⁷⁰Ma ufọdu n'etiti ndi-isi ulo nke ndi bu nna nyere onyinye nke diri ije-ozi ahu. Tiashata tiyere n'ulo-àkù nnù daric ọla-edo abua na ọgu iri, na ọgu ọkwa-nwusa abua na iri, na nnù uwe ndi-nchu-àjà na ọgu isi na iri.

⁷¹Ma ufọdu n'etiti ndi-isi ulo nke ndi bu nna tiyere n'ulo-àkù nke ije-ozi ahu orú nnù daric ọla-edo uzọ abua na nnù iri, na nnù pound ọla-ọcha ise na ọgu iri.

⁷²Ma nke ndi-ayi fọduru nyere di orú nnù daric ọla-edo uzọ abua na nnù iri, na nnù pound ọla ọcha ise, na ọgu uwe ndi-nchu-àjà atọ na asa.

⁷³Ndi-nchu-aja, na ndi Livai, na ndi-ọnu-uzọ-ama, na ndi-ọbù-abù, na ufọdu nime ndi Juda, na Netinim, na Israel nile, we biri n'obodo nile ha. Ọnwa nke-asa we rue, umu Israel nọ kwa n'obodo nile ha.