Read nso ABÙ ỌMA 106 Bible Online

ABÙ ỌMA 106 - nso bible

ABÙ ỌMA 106

¹Tonu Ja. Kelenu Jehova; n'ihi na Ọ di nma: N'ihi na rue mb͕e ebighi-ebi ka ebere-Ya di.

²Ònye gākọ akukọ idi-ike nile nke Jehova? Ònye gēme ka anuru otuto-Ya nile?

³Ndi ihe nāgara nke-ọma ka ndi nēdebe ikpé bu, Ha na onye nēme ezi omume na mb͕e nile.

⁴Chetam, Jehova, were ka ihe ndi-gi si atọ Gi utọ chetam; Were nzọputa-Gi letam:

⁵Ka m'we lekwasi ọdi-nma nke ndi I rọputaworo, Ka m'we ṅuria n'ọṅù mba-Gi, Ka m'we soro ihe-nketa-Gi nya isi.

⁶Ayi esowo nna-ayi-hà mehie, Ayi emewo ajọ omume, ayi emebiwo iwu.

⁷Nna-ayi-hà enweghi uche ighọta oké ọlu-Gi nile n'Ijipt; Ha echetaghi iba-uba nke ebere-Gi nile; Ha we nupu isi n'akuku oké osimiri, bú n'Oké Osimiri Uhie.

⁸Ma Ọ zọputara ha n'ihi aha-Ya, Ime ka amara idi-ike-Ya.

⁹O we basiere Oké Osimiri Uhue nba, o we tasia: O we me ka ha nēje ije n'ob͕u-miri-ya nile dika ọ bu ọzara.

¹⁰O we zọputa ha n'aka onye nākpọ ha asì, B͕aputa kwa ha n'aka onye-iro-ha.

¹¹Miri we kpuchie ndi nākpab͕u ha: Ọ dighi otù onye nime ha fọduru.

¹²Ha we kwere okwu-Ya nile; Ha nābù abù otuto-Ya.

¹³Ha chezọrọ ọlu-Ya nile ngwa ngwa; Ha echeghi ndum-ọdu-Ya:

¹⁴Ha we chọ ajọ ọchichọ n'ọzara, We nwa Chineke n'ala tọb͕ọrọ n'efu.

¹⁵O we nye ha ihe ha riọrọ; Ma O zitere aru-ọtita na nkpuru-obi-ha.

¹⁶Ha kwo-kwa-ra Moses ekworo n'ọmuma-ulo-ikwū-ha, Kwo kwa Eron, bú onye nsọ nke Jehova.

¹⁷Ala nēmeghe, we loda Detan, Kpuchi kwa nzukọ Abairam.

¹⁸Ọku we nēre n'etiti nzukọ-ha; Ire-ọku nērepia ndi nēmebi iwu.

¹⁹Ha nēme nwa-ehi na Horeb, We kpọ isi ala nye ihe awuru awu.

²⁰Ha we b͕anwe nsọpuru-ha N'ihe-atù nke ehi nāta ihe akuru n'ala.

²¹Ha chezọrọ Chineke, bú Onye-nzọputa-ha, Onye nēmeri ihe uku di iche iche n'Ijipt;

²²Oké ọlu di iche iche n'ala Ham, Na ihe di egwu di iche iche n'akuku Oké Osimiri Uhie.

²³O we si na O gēkpochapu ha, Ma ọ buru na Moses, bú onye Ọ rọputaworo, eguzoghi na ntiwa ahu n'iru Ya, Ime ka ọnuma-Ya si n'ibibi ha laghachi.

²⁴Ọzọ, ha juru ala anāchọsi ike, Ha ekweghi okwu-Ya;

²⁵Ha we tamu n'ulo-ikwū nile ha, Ha egeghi nti n'olu Jehova.

²⁶O we welie aka-Ya elu n'ebe ha nọ, Ime ka ha da n'ọzara:

²⁷Na ime ka nkpuru-ha da n'etiti mba nile, Na ichusa ha n'ala nile.

²⁸Ha kekọta-kwa-ra onwe-ha n'aru Beal-peoa, We rie àjà nile nke ihe nwuru anwu.

²⁹Ha we were omume nile ha kpasue Ya iwe: Ihe-otiti we dakwasi ha.

³⁰Finehas wee guzo ọtọ, me ihe ekpere n'ikpe: Ewe b͕ochi ihe-otiti ahu.

³¹Ewe guara ya nka n'ezi omume, Rue ọb͕ọ nile rua mb͕e ebighi-ebi.

³²Ha kpasu-kwa-ra Ya iwe na miri Meriba, O we jọrọ Moses njọ n'ihi ha:

³³N'ihi na ha nupuru isi n'okpuru Mọ-Ya, O we were eb͕ub͕ere-ọnu-ya abua kwue okwu efu.

³⁴Ha ekpochapughi ndi di iche iche ahu, Dika Jehova siri ha;

³⁵Ma ha gwakọtara onwe-ha na mba nile nke ala ahu, We muta ọlu nile ha:

³⁶Ha we fè arusi nile ha òfùfè; Arusi ahu we ghọrọ ha ọnyà:

³⁷Ọzọ, ha were umu-ha ndikom na umu-ha ndinyom chuara ndi-mọ ọjọ àjà,

³⁸We wusi ọbara nke nēmeghi ihe ọjọ, bú ọbara nke umu-ha ndikom na umu-ha ndinyom, Ndi ha were chuara arusi nile nke Kenean àjà; Ewe were ọbara merua ala ahu.

³⁹Ewe were ọlu nile ha me ka ha buru ihe ruru árú, Ha we nākwa iko n'omume nile ha.

⁴⁰Iwe Jehova we di ọku n'aru ndi-Ya, O we kpọ ihe-nketa-Ya ihe-árú.

⁴¹O we nye ha n'aka mba di iche iche; Ndi nākpọ ha asì we nāchi ha.

⁴²Ndi-iro-ha meb͕u-kwa-ra ha, Ewe me ka ha ruru ala n'okpuru aka-ha.

⁴³Ọtutu mb͕e ka Ọ nanaputa ha; Ma ha onwe-ha nānupu isi n'okpuru Chineke na ndum-ọdu-ha, Ewe kwada ha n'ajọ omume-ha.

⁴⁴O we lekwasi ahuhu diri ha anya, Mb͕e Ọ nuru iti-nkpu-ha:

⁴⁵O we cheta ọb͕ub͕a-ndu-Ya nye ha, We chègharia dika iba-uba nke ebere-Ya nile si di.

⁴⁶O we me ha ka enwe obi-ebere nile n'aru ha N'iru ndi nile ndi nādọta ha n'agha.

⁴⁷Zọputa ayi, Jehova, bú Chineke-ayi, Chikọputa kwa ayi n'etiti mba nile Ikele aha nsọ Gi, Na inya isi n'otuto-Gi.

⁴⁸Onye agọziri agọzi ka Jehova, bú Chineke nke Israel, bu, Site na mb͕e ebighi-ebi we rue mb͕e ebighi-ebi. Ka ndi Israel nile si kwa, Amen. Tonu Ja.