Read nso ABÙ ỌMA 128 Bible Online

ABÙ ỌMA 128 - nso bible

ABÙ ỌMA 128

¹Abú Nrigo. Onye ihe nāgara nke-ọma ka onye ọ bula nke nātu egwu Jehova bu, Nke nēje ije n'uzọ-Ya nile.

²N'ihi na ihe i chiri ọbu-aka-gi dọb͕u onwe-gi n'ọlu inwe ka i gēri: Onye ihe nāgara nke-ọma ka i bu, ọ gādi-kwa-ra gi nma.

³Nwunye-gi gādi ka osisi vine nāmi nkpuru n'ime-ime-ulo nke ulo-gi: Umu-gi gādi ka ome osisi oluve buruburu table-gi.

⁴Le, na otú a ka agāgọzi nwoke ahu Nke nātu egwu Jehova.

⁵Jehova gēsi na Zaion gọzie gi: Gi lekwasi kwa ọdi-nma Jerusalem anya ubọchi nile nke ndu-gi,

⁶Hu kwa umu nke umu-gi gāmu. Ka udo dikwasi Israel.