Read nso ABÙ ỌMA 137 Bible Online

ABÙ ỌMA 137 - nso bible

ABÙ ỌMA 137

¹N'akuku osimiri nile nke Babilon, N'ebe ahu ka ayi nọduru ala, e, ayi kwara ákwá, Mb͕e ayi chetara Zaion.

²N'osisi willow di n'etiti ya Ka ayi nēkokwasi ubọ-akwara nile ayi.

³N'ihi na n'ebe ahu ka ndi nādọta ayi n'agha riọro n'aka-ayi okwu abù, Ndi lutara ihe-ayi n'agha riọ-kwa-ra ayi ka ayi ṅuria ọṅu, si, Bùaranu ayi otù nime abù Zaion.

⁴Àyi gēsi aṅa bù abù Jehova N'ala nke onye ala ọzọ?

⁵Ọ buru na echezọm i, Jerusalem, Ka aka-nrim chezọ ǹkà-ya.

⁶Ka irem rapara n'okpo-ọnum, Ma ọ buru na adighm-echeta gi; Ma ọ buru na adighm-eme ka Jerusalem di elu N'elu isi ọṅùm.

⁷Jehova, cheta ubọchi Jerusalem Megide umu Edom; Ndi nāsi, B͕abanu ya ọtọ, b͕abanu ya ọtọ, Rue ntọ-ala di nime ya.

⁸Gi ada Babilon, nke bu onye anāpunara ihe; Onye ihe nāgara nke-ọma ka ọ bu, bú onye gākwughachi gi Nmeso-gi nke i mesoworo ayi.

⁹Onye ihe nāgara nke-ọma ka ọ bu, bú onye gāchiri umu-gi nāṅu ara tupia ha Na nkume di elu.