Read nso ABÙ ỌMA 148 Bible Online

ABÙ ỌMA 148 - nso bible

ABÙ ỌMA 148

¹Tonu Ja. Tonu Jehova site n'elu-igwe: Tonu Ya n'ebe di elu.

²Tonu Ya, ndi-mọ-ozi-Ya nile: Tonu Ya, usu-ndi-agha-Ya nile.

³Tonu Ya, anyanwu na ọnwa: Tonu Ya, kpakpando nile nke ìhè.

⁴Tonu Ya, elu-igwe nke elu-igwe, Na miri nke di n'elu elu-igwe.

⁵Ka ha to aha Jehova: N'ihi na Ya onwe-ya nyere iwu, ewe kè ha.

⁶O we me ka ha guzo rue mb͕e nile ebighi-ebi: Ukpuru ka Ọ nyeworo nke na-agaghi agabiga.

⁷Tonu Jehova site n'uwa, Unu ogologo anu-miri, na ob͕u-miri nile:

⁸Ọku, na ákú-miri-ígwé, na snow, na alulu: Oké ifufe, nke nēme okwu-Ya:

⁹Ugwu nile na ugwu ntà nile; Osisi nile nāmi nkpuru na osisi cedar nile:

¹⁰Anu-ọhia na anu-ulo nile; Ihe nākpu akpu na nnunu nwere nkù:

¹¹Ndi-eze uwa na ndi nile di iche iche; Ndi-isi na ndi-ikpé nile nke uwa:

¹²Ma umu-okorọbia ma umu-ab͕ọghọ; Ndi-agadi, ha na umu-ntakiri:

¹³Ka ha too aha Jehova; N'ihi na emewo ka aha-Ya di elu, nání ya: Ebube-Ya di n'elu uwa na elu-igwe.

¹⁴O we me ka mpi ndi-Ya nwere di elu, Iburu ndi-ebere-Ya nile otuto; Bú umu Israel, ndi di nso Ya. Tonu Ja.