Read nso ABÙ ỌMA 150 Bible Online

ABÙ ỌMA 150 - nso bible

ABÙ ỌMA 150

¹Tonu Ja. Tonu Chineke n'ebe nsọ Ya: Tonu Ya na mbara-ígwé nke ike-Ya.

²Tonu Ya n'ihi idi-ike-Ya nile: Tonu Ya dika iba-uba nke idi-uku-Ya si di.

³Werenu ọfufù opì-ike to Ya: Chirinu une na ubọ-akwara to Ya.

⁴Werenu egwú-otiti na ite-egwú to Ya: Chirinu ubọ eji akwara kwe na ọ̀jà to Ya:

⁵Chirinu ájà nke anānu nke-ọma to Ya: Chirinu ájà nke nādasi udà ike to Ya.

⁶Ka ihe ọ bula nke nēku ume to Ja. Tonu Ja.