Read nso ABÙ ỌMA 61 Bible Online

ABÙ ỌMA 61 - nso bible

ABÙ ỌMA 61

¹Abù Ọma nke diri Onye-isi Abù; n'elu ubọ-akwara. Abù Ọma nke Devid. Chineke, nuru olu iti-nkpum; Ṅa nti ekperem.

²M'nēsi na nsọtu uwa kpọkue Gi, mb͕e, obim nādighi ike: Rue n'oké nkume nke kam elu ka I gēdurum je.

³N'ihi na I buworom ebe-nb͕abà, Ulo-elu di ike ipu n'iru onye-iro.

⁴Ka m'nọ dika ọbìa n'ulo-ikwū-Gi rue mb͕e nile ebighi-ebi: M'gāb͕abà n'ebe-nzuzo nke nkù-Gi abua. Selah

⁵N'ihi na Gi onwe-gi, Chineke, egewo nti nkwa nile m'kwere: I werewo ihe-nnweta nke ndi nātu egwu aha-Gi nye ha.

⁶I gātukwasi ọtutu ubọchi n'ubọchi ndu eze: Arọ-ya nile gādi ka ọtutu ọb͕ọ.

⁷O gēbi n'iru Chineke rue mb͕e ebighi-ebi: Wezuga ebere na ezi-okwu, ka ha we nēchezi ya.

⁸Otú a m'gābùku aha-Gi abù ọma rue mb͕e ebighi-ebi, Ka m'we kwughachi nkwam nile kwa-ubọchi.