Read nso ABÙ ỌMA 8 Bible Online

ABÙ ỌMA 8 - nso bible

ABÙ ỌMA 8

¹Abù Ọma nke diri Onye-isi Abù; n'elu Gittith. Abù Ọma Devid. Jehova, Onye-nwe-ayi, Le otú aha-Gi di ebube n'uwa nile! Gi Onye tiyeworo ebube-Gi n'elu ígwé.

²I siwo n'ọnu umu-ntakiri na umu nāṅu ara tọ ntọ-ala ike, N'ihi ndi-nkpab͕u-Gi, Ime ka onye-iro na onye nābọ̀ ọ́bọ̀ kwusi.

³Mb͕e m'huru elu-igwe-Gi, bú ọlu nkpisi-aka-Gi, Ọnwa na kpakpando nile, nke I doziworo;

⁴Gini ka madu bu, na I nēcheta ya; Na nwa nke madu, na I nēleta ya?

⁵I we me ya ka ọ fọduru ya nke-ntà ibu Chineke, I ji kwa nsọpuru na ima-nma kpube ya n'isi dika okpu-eze.

⁶I nēme ya ka ọ nāchi ọlu nile nke aka-Gi abua; Ihe nile ka I doro n'okpuru ukwu-ya abua:

⁷Ewu na aturu na ehi, ha nile, Ha na anu ọhia;

⁸Nnunu elu-igwe, na azù nile nke oké osimiri, Bú ihe nke nāgabiga n'uzọ nile nke oké osimiri nile.

⁹Jehova, Onye-nwe-ayi, Le otú aha-Gi di ebube n'uwa nile!