Read nso LUK 3 Bible Online

LUK 3 - nso bible

LUK 3

¹Ma n'arọ nke-iri-na-ise n'ọchichi nke Taibiriọs Sisa, mb͕e Pọntiọs Pailat bu onye nāchi Judia, mb͕e Herod bu kwa tetrarch nke Galili, mb͕e nwa-nne-ya Filip bu kwa tetrarch nke ala Ituria na Trakonaitis, mb͕e Lisanias bu kwa tetrarch nke Abilini,

²mb͕e Anas na Kaiafas bu ndi-isi-nchu-àjà, okwu Chineke biakutere Jọn nwa Zakaraias n'ọhia.

³O we bia n'ala nile di Jọ̀dan gburugburu, nēkwusa baptism nke nchèghari, ka ewe b͕aghara nmehie;

⁴dika edeworo ya n'akwukwọ okwu Aisaia onye-amuma, si, Olu otù onye nēti nkpu n'ọhia, si, Dozienu uzọ Onye-nwe-ayi, Menu okporo-uzọ-Ya ka ha guzozie.

⁵Agēkpoju ndagwurugwu ọ bula, Agēme kwa ka ugwu ọ bula na ugwu ntà ọ bula di ala; Ebe di nb͕agọ gāghọ kwa ebe guzoziri eguzozi, Ebe nile di nkputankpu gābu kwa uzọ di lari;

⁶Madu nile gāhu kwa nzọputa Chineke.

⁷Ya mere ọ si ìgwè madu ahu ndi biara ka ọ me ha baptism, Unu umu nke aju-ala, ònye gosiri unu ka unu b͕anari iwe gaje ibia?

⁸Ya mere mianu nkpuru kwesiri nchèghari-unu, unu amalite-kwa-la ikwu nime onwe-unu, si, Ayi nwere Abraham na nna: n'ihi na asim unu, na Chineke puru ime ka umu tolitere Abraham site na nkume ndia.

⁹Ma ọbuná ub͕u a anātukwasi kwa anyu-ike na nkpọrọgwu osisi nile; ya mere anēb͕utu osisi ọ bula nke nāmighi nkpuru ọma, tubà kwa ya nime ọku.

¹⁰Ìgwè madu ahu we jua ya, si, Ọ̀ bu kwa gini kwesiri ka ayi me?

¹¹O we za, si ha, Onye nwere uwe-ime abua, ya me onye nēnweghi ka o keta; onye nwekwara nri, ya mee otú ahu.

¹²Ndi-ọna-utu biakwara ka eme ha baptism, ha we si ya, Onye-ozizí, gini kwesiri ka ayi me?

¹³Ọ si ha, Unu apunarala madu kari ihe akaworo unu.

¹⁴Ndi-agha nēje ozi jukwara ya, si, Ayi onwe-ayi kwa, gini kwesiri ka ayi me? Ọ si ha, Unu ejidela onye ọ bula aka ike, ebokwala onye ọ bula ebubo ugha; ka afọ ju kwa unu n'ego-ọlu-unu.

¹⁵Mb͕e ndi-Ju nọ nēle anya, mb͕e madu nile nātughari kwa n'obi-ha ihe bayere Jọn, ma eleghi anya ya onwe-ya bu Kraist ahu,

¹⁶Jọn zara, si ha nile, Mu onwem nēji miri me unu baptism n'ezie; ma Onye kam ike nābia, Onye m'nērughi itọpu eriri akpukpọ-ukwu-Ya: Onye ahu gēji Mọ Nsọ na ọku me unu baptism:

¹⁷Onye ihe-ifucha-ọka-Ya di n'aka-Ya, ifuchapu ebe-nzọcha-ọka-Ya nke-ọma, na ikpokọta ọka-Ya n'ọba-Ya; ma Ọ gēji ọku anāpughi imenyu emenyu rechapu ib͕ob͕o.

¹⁸Ya mere o ji ọtutu ndumọdu di iche iche zì ndi-Ju ozi ọma;

¹⁹ma Herod, bú tetrarch, ebe Jọn turu ya nmehie-ya n'anya, bú ihe bayere Herodias nwunye nwa-nna-ya, na ihe bayere ajọ ihe nile Herod mere,

²⁰ọ tukwasi-kwara nka n'elu ihe nile, na o mechibidoro Jọn n'ulo-nkpọrọ.

²¹Ma mb͕e emere ndi-Ju nile baptism, o rue, mb͕e emesikwara Jisus baptism, mb͕e Ọ nēkpe kwa ekpere, na emeghere elu-igwe,

²²Mọ Nsọ we fedakwasi Ya n'oyiyi aru, dika nduru, olu we site n'elu-igwe, si, Gi onwe-gi bu Ọkparam M'huru n'anya; ihe-Gi dim ezi mma.

²³Ma Jisus onwe-ya, mb͕e Ọ malitere izí ihe, Ọ b͕ara ihe dika orú arọ na iri, buru Nwa Josef (dika echère), nwa Hili,

²⁴nwa Matat, nwa Livai, nwa Melkai, nwa Janai, nwa Josef,

²⁵nwa Matataias, nwa Emos, nwa Nehum, nwa Esli, nwa Nagai,

²⁶nwa Meath, nwa Matataias, nwa Semein, nwa Josek, nwa Joda,

²⁷nwa Joanan, nwa Risa, nwa Zerubabel, nwa Shealtiel, nwa Nirai,

²⁸nwa Melkai, nwa Adai, nwa Kosam, nwa Elmadam, nwa Ia,

²⁹nwa Jisus, nwa Elieza, nwa Jorim, nwa Matat, nwa Livai,

³⁰nwa Simeon, nwa Judas, nwa Josef, nwa Jonam, nwa Elaiakim,

³¹nwa Melea, nwa Mena, nwa Matata, nwa Netan, nwa Devid,

³²nwa Jesi, nwa Obed, nwa Boaz, nwa Salmon, nwa Nahshon,

³³nwa Aminadab, nwa Admin, nwa Anai, nwa Hezron, nwa Perez, nwa Juda,

³⁴nwa Jekob, nwa Aisak, nwa Abraham, nwa Tira, nwa Nehoa,

³⁵nwa Serug, nwa Reu, nwa Peleg, nwa Iba, nwa Shela,

³⁶nwa Kainan, nwa Afaksad, nwa Shem, nwa Noa, nwa Lemek,

³⁷nwa Metusela, nwa Inok, nwa Jered, nwa Mahalaleel, nwa Kenan,

³⁸nwa Enos, nwa Set, nwa Adam, nwa Chineke.