Read nya huba Matta 1 Bible Online

Matta 1 - nya huba bible

Matta 1

¹Likatəkatə nə təkəɗər yarkur Yesu Kəristi jivalnya təl Dauda jivalnya Ibrahim.

²Ibrahim tə yah Ishaku, Ishaku tə yah Jakop, Jakop tə yah Yahuda kə'i zamə nyi.

³Yahuda tə yah ka Peris ana Zara. Tləmər Aman nda Tamar, Peris tsəu tə yah Hezron, Hezron tə yah Aram,

⁴Aram tsəu tə yah Aminadab, Aminadab tə yah Nashon, Nashon tə yah Salmon.

⁵Salmon tsəu tə yah Bu'aza. Tləmər ama nyi Rahap. Bu'aza tə yah Obida. Tləmər Ama nyi Rut, Obida tə yah Jesi,

⁶Jesi tsəu tə yah təl Dauda. Ngə Dauda tə yah Saloman. Tləmər Ama nyi Batsheba, mala Uriya ɗaka ɗa.

⁷Saloman tsəu tə yah Rehoboam, Rehoboam tə yah Abija, Abija tə yah Asa.

⁸Ngə Asa tə yah Jahoshafat, Jahoshafat tə yah Joram, Joram tsəu tə yah Uziya.

⁹Uziya tə yah Jotam, ngə Jotam tə yah Ahaz. Ahaz tsəu tə yah Hizikiya,

¹⁰Hizikiya tə yah Manasa, Manasa tə yah Amon, ngə Amon tə yah Josiya,

¹¹Josiya tə yah Jakoniya kə'i zamə nyi ku bəji nda ngə nja fa'atə njir Isra'ila ka mavi'i ya tə hə'i Babila.

¹²Ahir nda nja fa'atə nda yi Babila ngə Jakoniya tə yah Sheyaltiyal, Sheyaltiyal tə yah Zarubabel,

¹³Zarubabel tsəu tə yah Abihud, ngə Abihud tə yah, Eliyakim, Eliyakim tə yah Azor,

¹⁴Azor tə yah Zadok, Zadok tə yah Akim, Akim tsəu tə yah Aliyuda,

¹⁵Aliyuda tə yah Eliyazar, Eliyazar tə yah Mattan, Mattan tə yah Jakop,

¹⁶Jakop tə yah Yusufu sal Maryamu amanya Yesu nda njo nga Kəristi.

¹⁷Hya'atə ku nyandəla Ibrahim tsa'a tə təl Dauda nyavi kwabəfwaɗəu, fwatə tə təl Dauda yatə bəji nda nja fa'atə njir Isra'ila ka mavi'i yatə hə'i Babila nyavi kwabəfwaɗəu, fwatə bəji nda tsəu yatə bəji nda nja yah Kəristi ti, nyavi kwabəfwaɗəu.

¹⁸Janə ənda yar Yesu Kəristi tə ɗa. Maryamu ama nyi nda Yusufu tə zhiya ka nda hədza, kəl nda ngə cha ɗa na huɗəu təwa Shanguɗə Karti təvi nda hədza.

¹⁹Yusufu ndər mər sə tsa'atsa'a cha kala bəji, a da cha i mərtə nyi sər kuzhi nə Maryamu tə babal wa, kəl ja, cha gwa'a laku nda cho ɗana ngya nyi tə ɗəwa.

²⁰Aku bəji nda cho jigadəma tə ənga, kəl ngə Chama Tlakəu tə sə yada cha ku shi'uni ga nar nyi, “Yusufu zər Dauda, ngwa ka da ləvər tsa hə Maryamu ka mala nghə wa. Aka huɗə ngə cha nə nga, təwa Shanguɗə Karti ngani.

²¹Cho yah zər, ko fəndzə nyi tləm Yesu[1], aka na cha ngə Ndər Dləuya nənyawa nji ku səpəla'a kənda.”

²²Dəhəkura sə'ingə tə ɗa aka ga ja nyabiya sənda Tlakə tə na təwa nya ndər mətakər bəra,

²³“Kwapəlyakə kwa hətə huɗə kwa yah zər njo nga nyi Emmaniel,” na cha ngə, “Hyel tsa'a namən.”

²⁴Manda Yusufu tə hya'atə ku hanyi, ngə cha hətə Maryamu ka mala nyi, wi nda Chama Tlakə tə nar nyi.

²⁵Kəl ja, a da cha zəndə nyi təvi cha yah zər nyi wa. Ngə Yusufu tə fəndzə nyi tləm Yesu.