Read nya huba 1 Yohana 1 Bible Online

1 Yohana 1 - nya huba bible

1 Yohana 1

¹Ea kwa tsəfə nə hi təkəra ɓwanyar pi, ndə nda tangngə cha fwatə ku ghəyanyi, nda ea la'a na lya ea, ea ndzama ya tsəkar tə ea na cha ea.

²Pi nda tə chabiyadza, a la'atə ea ga ndər təkəri, ea bəzə pi nda ba'anawa nə hi, nda ɗəɗəm tsa'a na Ada cha, nda tə chabiyadzə nə ea.

³Sənda ea la'a ga ngati, eo bəzə nə hi tsəu, aka ga hya daɓətə kər ka ea, təwa ənga məno daɓətə kər ka Ada ana Zər nyi Yesu Kəristi.

⁴Ea kwa tsəfə səna, aka ga hirgyaɗi kəea nyabiyadza.

⁵Nənnə ngə mafakə nda ea ngatə tsa cha ga bəzəya hi, Hyel ngə vimbəlmbəla, ya kutlə da ku cha pa'a wa.

⁶Ma ea na ənda ku daɓəkər ea kə'i cha, ya tsə'uta ea kwa ngya ku kutla, gəzhi ngə eo tla, ya jiri da ku ea wa.

⁷Kəl ja, ma məna ngya ku vimbəlmbəla, wi ngə cha ku vimbəlmbəl nga, məno ɗa ka njir daɓəkər, mashi Yesu zər nyi kwa chinda mən tsa dəhə səpəla'a kəmən.

⁸Ma məna na a səpəla'a nda tsamən wa, kər ngə məna kwa sha nə kərnəmən, ya jiri da ku mən wa.

⁹Ma məna dəkəbiya səpəla'a kəmən, na cha ndər jiri cha, ndər nyabiya sənda cha kwa pəa. Cho far na dəhə səpəla'a kəmən, ya cho chinda dəhə tar tsa'atsa'akur kəmən.

¹⁰Ma məna na a da mən na səpəla'a wa, a fiya nyi tə mən ka ndər tla gəzhi, ya ɓwanya nyi da ku ɗufwa mən wa.