Read nya huba Takǝr Yohana 15 Bible Online

Takǝr Yohana 15 - nya huba bible

Takǝr Yohana 15

¹Ya la'a vanyi sər məngəl ana sər muniya kya huɗamələm, chama məɗəfa ana batəbatər təmachi məɗəfa, aka nanda ingə udiyar jwamər huɗətlar Hyel.

²Kəl ngə ya la'a vanyi sə wi fa'a dəmal gwaɗəgwaɗə nyi na hu'u, ətsəu ya la'a nji'inda tə kura sərshishi nda, ana sənda nja hərtə pabiya nyi, ana lamba tləm nyi. Nda ta'ita nda nya fa'a nda taɓtaɓə na zəmbəl nda Hyel tə nənda,

³nda kwa na miya Musa mava Hyel ana miya Zər Gam, “Tlər nghə sə dəgal cha ya sər məngəl, Hyel Tlakəu ndər gyalkur. Laku nghə i'i tsa'atsa'a cha ya ana jiri, Təl nə dəhə nji.

⁴Wa pa'a kwa ləvər nghə Tlakəu? Wa ngə pa'a kwa hətə nyi səli nə tləm ngha? Aka zhang tanghə Ndə Karti. Dəhə jul nji kwa shili həsəli nə ngha, aka tlər tsa'atsa'akur nghə chabiya tə dza.”

⁵Ahir nga ya ndzama ngə ya la'a mbwa nda ndiya na kartikur ku madləɓa a kya huɗamələm banghəu, nacha ngə Mbwa'alə Hyel.

⁶Aku mbwa'alə nda chama məɗəfə nda na təmachi məɗəfə inda tə biya. Ana dzaki chichə pərtə nda kwa mbəla, ga mbabiya hatla nda na gyarakən bəjingha.

⁷Kəl zhang ku huɗa sə pipi fwaɗə inda tə nənyi gwa kətasə bəjingha məɗəfa nyinyi na huɗətlar Hyel nacha nda kwa ngya ba'anawa nə chama məɗəfə inda.

⁸Ngə mbwa'alə nda nyi na ear nda hya'atə ku səlir Hyel ana gyalku rnyi, ya tsəu ndə da kwa nau gwa ku mbwa'alə nda wa, kəl ma təmachi məɗəfə nə chama məɗəfə inda tə wura.