Read nynorsk 1938 Fyrste Mosebok 16 Bible Online

Fyrste Mosebok 16 - nynorsk 1938 bible

Fyrste Mosebok 16

¹Sarai, kona hans Abram, fekk ikkje born. Men ho hadde ei terna som var frå Egyptarland og heitte Hagar.

²Og Sarai sa til Abram: Du ser Herren meinka meg born. Kjære deg, gakk inn til terna mi! Kann henda ho fær ein son åt meg. Og Abram lydde rådi hennar Sarai.

³So tok Sarai, kona hans Abram, og let Abram, mannen sin, få Hagar frå Egyptarland, som var terna hennar, til kona. Då var det ti år sidan Abram hadde slege seg ned i Kana'ansland.

⁴Og han gjekk inn til Hagar, og ho vart med barn. Men då ho såg at ho var med barn, vanvyrde ho matmor si.

⁵Då sa Sarai til Abram: Du skal svara for den urett eg lid. Eg bad deg sjølv taka terna mi i fang, men no ho ser at ho er med barn, vanvyrder ho meg. Herren skal døma millom meg og deg!

⁶Då sa Abram til Sarai: Terna di råder du sjølv yver. Gjer med henne som du synest! Sidan var Sarai hard med henne; og ho rømde sin veg.

⁷Men Herrens engel fann henne innmed vasskjelda i øydemarki, den kjelda som er frammed vegen til Sur.

⁸Og han sa: Du Hagar, terna hennar Sarai, kvar kjem du frå, og kvar etlar du deg? Og ho sa: Eg laut røma frå Sarai, matmor mi.

⁹Då sa Herrens engel til henne: Gakk heim att til matmor di, og bøyg deg under handi hennar!

¹⁰Og Herrens engel sa til henne: Eg vil gjeva deg ei ætt som er endelaus; reint uteljande skal ho vera.

¹¹Og Herrens engel sa til henne: Sjå, du er med barn, og du skal eiga ein son. Han skal du kalla Ismael, av di Herren høyrde deg i naudi di. /[7]

¹²Det verta eit villasen til kar. Hans hand skal vera lyft mot alle, og alle hender mot han; og han skal bu austanfor alle brørne sine.

¹³Og ho nemnde Herren, som hadde tala med henne, og sa: Du er Gud, den som ser! Og ho sa: Kann det vera råd at eg her hev set skimten av den som ser meg?

¹⁴Difor kallar dei den brunnen Lakai Ro'i-brunnen; ho er millom Kades og Bered. /[8]

¹⁵Og Hagar fekk ein son, og Abram kalla sonen sin som Hagar hadde fenge, Ismael.

¹⁶Abram var seks og åtti år gamal då han fekk Ismael med Hagar.