Read nynorsk 1938 Fyrste Mosebok 36 Bible Online

Fyrste Mosebok 36 - nynorsk 1938 bible

Fyrste Mosebok 36

¹Dette er ætti hans Esau, eller Edom:

²Esau tok seg konor av Kana'ans-døtterne: Ada, dotter åt Elon, hetiten, og Oholibama, dotter åt Ana, sonedotter åt Sibeon heviten,

³og Basmat, dotter åt Ismael, syster åt Nebajot.

⁴Og Esau fekk med Ada sonen Elifas, og med Basmat Re'uel;

⁵og med Oholibama fekk han sønene Je'us og Jalam og Korah. Dette var sønene hans Esau, som han fekk i Kana'anslandet.

⁶Og Esau tok konone sine, sønene og døtterne sine og heile huslyden sin og buskapen sin og alle kløvdyri sine og alt godset sitt som han hadde sanka i Kana'anslandet, og flutte burt frå Jakob, bror sin, og av til eit anna land.

⁷For dei åtte so mykje fe at dei kunde ikkje bu saman; landet som dei heldt til i, kunde ikkje føda dei, so stor var buskapen deira.

⁸So sette Esau seg ned i Se'irfjelli; Esau, det er den same som Edom.

⁹Og dette er ætti hans Esau, far åt Edom-folket i Se'irfjelli:

¹⁰Dette er namni på sønene hans Esau: Elifas, son åt Ada, kona hans Esau, og Re'uel, son åt Basmat, kona hans Esau.

¹¹Sønene hans Elifas var Teman og Omar og Sefo og Gatam og Kenas.

¹²Og Elifas, son hans Esau, hadde ei fylgjekone som heitte Timna. Med henne fekk han sonen Amalek. Det var sønene hennar Ada, kona hans Esau.

¹³Og dette var sønene hans Re'uel: Nahat og Serah, Samma og Missa. Dette var sønene åt Basmat, kona hans Esau.

¹⁴Og dette var sønene åt Oholibama, dotter hans Ana, sonedotter hans Sibeon, kona hans Esau: med henne fekk Esau sønene Je'us og Jalam og Korah.

¹⁵Dette var Jarlane åt Esau-folket: Sønene åt Elifas, eldste son hans Esau, var Teman-jarlen, Omar-jarlen, Sefo-jarlen, Kenas-jarlen,

¹⁶Korah-jarlen, Gatam-jarlen og Amalek-jarlen. Det er dei jarlane som var ætta frå Elifas i Edomlandet. Dette var sønene åt Ada.

¹⁷Og dette var sønene hans Re'uel, son åt Esau: Nahat-jarlen, Serah-jarlen, Samma-jarlen, Missa-jarlen. Det var dei jarlane som var ætta frå Re'uel i Edomlandet. Dette var sønene åt Basmat, kona hans Esau.

¹⁸Og dette var sønene åt Oholibama, kona hans Esau: Je'us-jarlen, Jalam-jarlen, Korah-jarlen. Det er dei jarlane som var ætta frå Oholibama Anasdotter, kona hans Esau.

¹⁹Dette var Esau-sønene, og dette var jarlane deira. Dette var Edom-folket.

²⁰Dette er sønene åt Se'ir, horiten, dei som budde i landet: Lotan, og Sobal og Sibeon og Ana,

²¹og Dison og Eser og Disan. Det er jarlane åt horitane, Se'ir-folket i Edomlandet.

²²Og sønene hans Lotan var Hori og Heman, og syster hans Lotan var Timna.

²³Og dette var sønene hans Sobal: Alvan og Manahat og Ebal, Sefo og Onam.

²⁴Dette var sønene hans Sibeon: Aja og Ana. Ana var det som fann dei heite kjeldone i øydemarki, medan han gjætte asni åt Sibeon, far sin.

²⁵Og dette var borni hans Ana: Dison og Oholibama Anasdotter.

²⁶Og dette var sønene hans Dison: Hemdan og Esban og Jitran og Keran.

²⁷Dette var sønene hans Eser: Bilhan og Sa'avan og Akan.

²⁸Og dette var sønene hans Disan: Us og Aran.

²⁹Dette var jarlane åt horitane: Lotan-jarlen, Sobal-jarlen, Sibeon-jarlen, Ana-jarlen,

³⁰Dison-jarlen, Eser-jarlen, Disan-jarlen. Det var jarlane åt horitane, fylkeshovdingane deira i Se'irlandet.

³¹Og dette var dei kongane som rådde yver Edomlandet fyrr det rådde nokon konge yver Israels-borni:

³²Bela, son åt Beor, var konge i Edom, og byen han sat i heitte Dinhaba.

³³Og Bela døydde, og Jobab, son åt Serah, frå Bosra vart konge staden hans.

³⁴Og Jobab døydde, og Husam frå Temanitarlandet vart konge i staden hans.

³⁵Og Husam døydde, og Hadad, son åt Bedad, vart konge i staden hans; han var det som vann yver midanitane på Moabmoen. Og byen hans heitte Avit.

³⁶Og Hadad døydde, og Samla frå Masreka vart konge i staden hans.

³⁷Og Samla døydde, og Saul frå Rehobot uppmed elvi vart konge i staden hans.

³⁸Og Saul døydde, og Ba'al-Hanan, son åt Akbor, vart konge i staden hans.

³⁹Og Ba'al-Hanan, son åt Akbor, døydde, og Hadar vart konge i staden hans, og hans by heitte Pa'u; og kona hans heitte Mehetabel, dotter åt Matred, som var dotter åt Mesahab.

⁴⁰Og dette er jarlane av Esau-ætti etter sine ætter, etter sine bustader, med sine namn: Timna-jarlen, Alva-jarlen, Jetet-jarlen,

⁴¹Oholibama-jarlen, Ela-jarlen, Pinon-jarlen,

⁴²Kenas-jarlen, Teman-jarlen, Mibsar-jarlen,

⁴³Magdiel-jarlen, Iram-jarlen. Det var jarlane i Edom etter bustadene sine i det landet dei åtte. Dette var ætti hans Esau, far åt Edom-folket.