Read nynorsk 1938 Fyrste Mosebok 5 Bible Online

Fyrste Mosebok 5 - nynorsk 1938 bible

Fyrste Mosebok 5

¹Dette er boki um Adams-ætti: Den dagen då Gud skapte mennesket, skapte han det i Guds likning.

²Til mann og kvinna skapte han dei. Og han velsigna dei og kalla dei menneske den dagen då dei vart skapte.

³Då Adam var hundrad og tretti år gamal, fekk han ein son som var so lik han som det skulde vore hans eige bilete, og han kalla han Set.

⁴Og etter Adam hadde fenge Set, levde han endå åtte hundrad år og fekk søner og døtter.

⁵Og alle levedagane hans Adam vart ni hundrad og tretti år. So døydde han.

⁶Då Set var hundrad og fem år gamal, fekk han sonen Enos.

⁷Og etter Set hadde fenge Enos, levde han endå åtte hundrad og sju år og fekk søner og døtter.

⁸Og alle dagane hans Set vart ni hundrad og tolv år. So døydde han.

⁹Då Enos var nitti år gamal, fekk han sonen Kenan.

¹⁰Og etter Enos hadde fenge Kenan, levde han endå åtte hundrad og femtan år og fekk søner og døtter.

¹¹Og alle dagane hans Enos vart ni hundrad og fem år. So døydde han.

¹²Då Kenan var sytti år gamal, fekk han sonen Mahalalel.

¹³Og etter Kenan hadde fenge Mahalalel, levde han endå åtte hundrad og fyrti år og fekk søner og døtter.

¹⁴Og alle dagane hans Kenan vart ni hundrad og ti år. So døydde han.

¹⁵Då Mahalalel var fem og seksti år gamal, fekk han sonen Jared.

¹⁶Og etter Mahalalel hadde fenge Jared, levde han endå åtte hundrad og tretti år og fekk søner og døtter.

¹⁷Og alle dagane hans Mahalalel vart åtte hundrad og fem og nitti år. So døydde han.

¹⁸Då Jared var hundrad og tvo og seksti år gamal, fekk han sonen Enok.

¹⁹Og etter Jared hadde fenge Enok, levde han endå åtte hundrad år og fekk søner og døtter.

²⁰Og alle dagane hans Jared vart ni hundrad og tvo og seksti år. So døydde han.

²¹Då Enok var fem og seksti år gamal, fekk han sonen Metusalah.

²²Og etter Enok hadde fenge Metusalah, gjekk han på Guds veg i tri hundrad år, og han fekk søner og døtter.

²³Og alle dagane hans Enok vart tri hundrad og fem og seksti år.

²⁴Enok gjekk på Guds veg, og brått vart han burte; for Gud tok han til seg.

²⁵Då Metusalah var hundrad og sju og åtti år gamal, fekk han sonen Lamek.

²⁶Og etter Metusalah hadde fenge Lamek, levde han endå sju hundrad og tvo og åtti år og fekk søner og døtter.

²⁷Og alle dagane hans Metusalah vart ni hundrad og ni og seksti år. So døydde han.

²⁸Då Lamek var hundrad og tvo og åtti år gamal, fekk han ein son

²⁹og kalla han Noah og sa: Han skal hugga oss i arbeidet vårt og i alt vårt slit og slep på den jordi som Herren hev forbanna.

³⁰Og etter Lamek hadde fenge Noah, levde han endå fem hundrad og fem og nitti år og fekk søner og døtter.

³¹Og alle dagane hans Lamek vart sju hundrad og sju og sytti år. So døydde han.

³²Då Noah var fem hundrad år gamal, fekk han sønene Sem, Kam og Jafet.