Read nynorsk 1938 Andre Samuelsbok 21 Bible Online

Andre Samuelsbok 21 - nynorsk 1938 bible

Andre Samuelsbok 21

¹I Davids dagar kom det ein gong tri store uår etter kvarandre. Då vende David seg til Herren og spurde han åt, og Herren svara: Det tyngjer ei blodskuld på Saul og huset hans, for di han tok livet av Gibeons-mennene.

²So kalla kongen Gibeons-mennene til seg og tala med dei. Gibeons-mennene høyrde ikkje til Israels-borni, men til dei amoritane som sat att i landet; Israels-borni hadde svore dei trygd, men Saul freista å hogga dei ned, ihuga som han var for saki åt Israels- og Juda-borni.

³David sa til Gibeons-mennene: Kva kann eg gjera for dykk, og korleis kann eg sona det som er gjort, so de vil velsigna Herrens eigedom?

⁴Gibeonitane svara: Me krev ikkje sylv eller gull av Saul og ætti hans, og me hev ikkje rett til å taka livet av nokon mann i Israel. Kongen svara: Det de krev, skal eg gjera for dykk?

⁵Dei svara: Den mannen som øydde oss og hadde sett seg fyre å rydja oss ut, so det ikkje skulde finnast att nokon av oss i heile Israelsriket -

⁶av hans etterkomarar vil me gjerne få sju mann; dei vil me leggja på stegl for Herren i Gibea, der som Saul, Herrens utvalde, åtte heime. Kongen sa: De skal få dei.

⁷Kongen sparte Mefiboset, son åt Jonatan Saulsson, for den eiden skuld som dei - David og Jonatan Saulsson - hadde svore einannan ved Herren.

⁸Men dei tvo sønene som Saul hadde fenge med Rispa Ajasdotter - Armoni og Mefiboset heitte dei - og dei fem sønene som Mikal Saulsdotter hadde med Adriel Barsillaison frå Mehola, dei tok kongen /[29]

⁹og gav dei i hendene på gibeonitane, og dei la dei på stegl på fjellet for Herrens åsyn. Soleis kom dei av dage alle sju på ein gong. Det var i dei fyrste dagane av skurdonni, fyrstundes i byggskurden, dei let livet.

¹⁰Rispa Ajasdotter tok syrgjebunaden sin og breidde ut under seg på berget; soleis låg ho frå fyrstundes i byggskurden alt til det strøymde vatn ned på dei frå himmelen, og ho let ikkje fuglane i lufti setja seg på dei um dagen og ikkje villdyri på marki koma nær dei um dagen. /[30]

¹¹Då David fekk vita kva Rispa Ajasdotter, fylgjekona åt Saul, hadde gjort,

¹²drog han i veg og henta beini etter Saul og Jonatan, son hans; dei låg hjå Jabes-buane i Gilead, som i løynd hadde teke liki burt frå torget i Betsan; der hadde filistarane hengt dei upp då dei hadde slege Saul på Gilboa.

¹³Då David hadde henta beini av Saul og Jonatan derifrå, sanka dei i hop beini åt dei som var lagde på stegl,

¹⁴og dei jorda beini åt Saul og Jonatan i Sela i Benjaminslandet, i gravi åt Kis, far hans. Dei gjorde alt som kongen hadde sagt dei fyre. Då høyrde Gud bønene som steig upp frå landet.

¹⁵Ein gong som det vart ufred att millom filistarane og Israel, drog David ned med mennene sine, og dei slost med filistarane. David vart trøytt,

¹⁶og Jisbo-Benob, ein av etterkomarane etter Rafa - spjotet hans var av kopar og vog tri hundrad sekel, og kring livet hadde han bunde eit nytt sverd - han tenkte han skulde fella David.

¹⁷Men Abisai Serujason kom og hjelpte han og slo filistarane i hel. Då sa Davids menner til han med ein eid: Du skal ikkje oftare draga med oss ut i striden - du skal sløkkja ikkje Israels lampa.

¹⁸Sidan bar det so til at det vart ein ny strid med filistarane, ved Gob, og Sibbekai av Husa-ætti slo i hel Saf, som og var ein av etterkomarane etter Rafa.

¹⁹Endå ein gong stod det eit slag med filistarane ved Gob; då var det Elhanan, son åt Ja'are-Orgim, frå Betlehem slo i hel Goliat frå Gat, han som hadde eit spjot med eit skaft som storréven på ein vev.

²⁰So vart det eit slag att ved Gat. Der var det ein kjempekar som hadde seks fingrar på kvar hand og seks tær på kvar fot - i alt fire og tjuge fingrar og tær; han og var ætta frå Rafa.

²¹Han hædde Israel; men Jonatan, son åt Simea, som var bror åt David, slo han i hel.

²²Alle desse fire var ætta frå Rafa i Gat; men David og mennene hans felte dei.