Read nynorsk 1938 Fyrste Krønikebok 18 Bible Online

Fyrste Krønikebok 18 - nynorsk 1938 bible

Fyrste Krønikebok 18

¹Sidan vann David på filistarane og døyvde dei - han tok frå dei Gat med bygdene som låg ikring.

²Moabitane vann han og på, og dei laut gjeva seg under han og svara skatt.

³Like eins vann David på Hadadeser, kongen i Soba, som då var på veg til Fratelvi og vilde styrkja veldet sitt der.

⁴David tok ifrå han tusund vognhestar, sju tusund ridarar og tjuge tusund mann fotfolk; vognhestane skar han av hasane og sparde ikkje att meir enn hundrad av dei.

⁵Syrarane frå Damaskus kom og vilde hjelpa Hadareser, kongen i Soba; men David felte tvo og tjuge tusund mann av heren deira.

⁶Sidan la David hervakter i Damaskus-Syria, og syrarane laut gav seg under han og svara skatt. Soleis hjelpte Herren David kvar helst han for fram.

⁷David tok dei gullskjoldane som Hadareser-mennene hadde bore, og førde dei til Jerusalem.

⁸Og frå Tibhat og Kun, byane åt Hadareser, tok han med seg ovmykje kopar. Av det var det Salomo gjorde koparhavet og sulone og dei hine kopartingi.

⁹Då To'u, kongen i Hamat, fekk høyra at David hadde gjort ende på heile heren åt Hadadeser, Soba-kongen,

¹⁰sende han Hadoram, son sin, til kong David - han skulde helsa på han og ynskja han til lukke med di han hadde vunne i striden mot Hadareser; for Hadareser hadde stødt lege i ufred med To'u. Han sende og alle slag eigneluter av gull og sylv og kopar.

¹¹Dei og helga kong David til Herren i hop med det sylvet og gullet han hadde teke frå alle hine heidningfolki: frå Edom og frå Moab og frå Ammons-borni og frå filistarane og frå amalekitane.

¹²Det var Absai Serujason som slo edomitane i Saltdalen - dei var attan tusund mann.

¹³So la han hervakter i Edom, og alle edomitane gav seg under David. Soleis hjelpte Herren David kvar helst han for fram.

¹⁴So rådde no David yver heile Israel, og han gjorde rett og rettferd mot heile folket sitt.

¹⁵Joab Serujason var hovding yver heren, og Josafat Akiludsson var sogeskrivar.

¹⁶Sadok Akitubsson og Akimelek Ebjatarsson var prestar og Savsa riksskrivar;

¹⁷Benaja Jojadason var hovding yver livvakti, og Davids søner var dei fremste hjå kongen.