Read nynorsk 1938 Fyrste Krønikebok 24 Bible Online

Fyrste Krønikebok 24 - nynorsk 1938 bible

Fyrste Krønikebok 24

¹No skal me tala um Arons-sønene og i skifti deira: Sønene hans Aron var Nadab og Abihu, Eleasar og Itamar.

²Men Nadab og Abihu døydde fyre far sin og hadde ingi søner; det var soleis berre Eleasar og Itamar som vart prestar.

³Saman med Sadok av Eleasars-sønene og Akimelek av Itamars-sønene skipa David dei i tenestelag etter yrket deira.

⁴Men då det synte seg at Eleasars-sønene hadde fleire hovdingar enn Itamars-sønene, skipa dei det so at Eleasars-sønene fekk sekstan hovdingar for sine ættgreiner og Itamars-sønene åtte for sine ættgreiner.

⁵Det var med lutkasting dei skifte dei, båe ættene; for det fanst heilagdoms-fyrstar og Guds-fyrstar både millom Eleasars-sønene og hjå Itamars-sønene.

⁶Semaja Netanelsson, som var skrivar og høyrde til Levi-ætti, skreiv dei upp for augo åt kongen og hovdingane; Sadok, presten og Akimelek Ebjatarsson og ættehovdingane åt prestane og levitane var der og såg på. Dei tok ut ei ættgrein for Eleasar og so til skiftes ei for Itamar.

⁷Fyrste luten fall på Jojarib, den andre på Jedaja,

⁸den tridje på Harim, den fjorde på Seorim,

⁹den femte på Malkia, den sette på Mijamin,

¹⁰den sjuande på Hakkos, den åttande på Abia,

¹¹den niande på Jesua, den tiande på Sekanja,

¹²den ellevte på Eljasib, den tolvte på Jakim,

¹³den trettande på Huppa, den fjortande på Jesebab,

¹⁴den femtande på Bilga, den sekstande på Immer,

¹⁵den syttande på Hesir, den attande på Happisses,

¹⁶den nittande på Petahja, den tjugande på Esekiel,

¹⁷den ein og tjugande på Jakin, den tvo og tjugande på Gamul,

¹⁸den tri og tjugande på Delaja og den fire og tjugande på Ma'asja.

¹⁹Dette var den skipnaden dei skulde gjera tenesta si etter, når dei gjekk inn i Herrens hus, soleis som Aron, far deira, hadde sagt dei fyre etter den fyresegni han hadde fenge frå Herren, Israels Gud.

²⁰Spørst det um dei andre Levi-borni, so var det av Amrams-sønene Subael, og av Subaels-sønene Jehdeja.

²¹Av Rehabja-sønene Jissia hovdingen.

²²Til jisharitane høyrde Selomot, til Selomots-sønene Jahat.

²³Sønene [hans Hebron] var Jeria, Amarja, den andre, Jahasiel, den tridje, og Jakamam, den fjorde.

²⁴Son hans Ussiel var Mika; av sønene hans Mika Samur.

²⁵Bror åt Mika heitte Jissia; ein av sønene hans Jissia heitte Sakarja;

²⁶sønene åt Merari var Mahli og Musi, søner åt Ja'asia, hans son.

²⁷Søner åt Merari gjenom Ja'asia, son hans, var og Soham og Sakkur og Ibri.

²⁸Mahli hadde sonen Eleasar; men han hadde ingi søner.

²⁹Til Kis - Kis-sønene - høyrde Jerahme'el.

³⁰Sønene åt Musi var Mahli og Eder og Jerimot. Dette var levit-sønene etter ættgreinene deira.

³¹Dei og kasta lut for kong Davids augo liksom Arons-sønene, brørne deira, og Sadok og Akimelek og ættehovdingane åt prestane og levitane - hovdingen for kvar ættgrein so vel som den yngste samættingen hans - var med og såg på.