Read nynorsk 1938 Fyrste Krønikebok 27 Bible Online

Fyrste Krønikebok 27 - nynorsk 1938 bible

Fyrste Krønikebok 27

¹Dette er Israels-borni etter talet deira, med ættehovdingane og herhovdingane - dei yver tusund og dei yver hundrad mann - og tilsynsmennene deira, som gjekk kongen til handi i alt som kom herflokkane ved; desse herflokkane kom og for til skiftes kvar månad gjenom heile året, og i kvar flokk var det fire og tjuge tusund mann.

²Yver den fyrste herflokken, som gjorde tenesta i fyrste månaden, stod Jasobam Sabdielsson; flokken hans var på fire og tjuge tusund mann.

³Han var ætta frå Peres og var den øvste av alle dei herhovdingane som gjorde tenesta i fyrste månaden.

⁴Yver den herflokken som gjorde tenesta i andre månaden, stod Dodai, ahoiten. I herflokken hans var og fyrsten Miklot. Den flokken var like eins på fire og tjuge tusund mann.

⁵Tridje herhovdingen - han som gjorde tenesta i tridje månaden - var Benaja, son åt Jojada, presten. Han var øvste styraren for herflokken og hadde fire og tjuge tusund mann under seg.

⁶Denne Benaja var ei kjempa millom dei tretti og stod yver dei tretti. Ammisabad, son hans, var og i herflokken hans.

⁷Den fjorde - han som gjorde tenesta i fjorde månaden - var Asael, bror åt Joab, og etter han Sebadja, son hans. I hans herflokk var det og fire og tjuge tusund mann.

⁸Den femte - han som gjorde tenesta i femte månaden - var Samhut, ein hovding av Jisrah-ætti. Hans herflokk var og på fire og tjuge tusund mann.

⁹Den sette - han som gjorde tenesta i den sette månaden - var Ira Ikkesson, frå Tekoa. I hans herflokk og var det fire og tjuge tusund mann.

¹⁰Den sjuande - han som gjorde tenesta i sjuande månaden - var peloniten Heles av Efra'ims-borni. I hans herflokk hans var det og fire og tjuge tusund mann.

¹¹Den åttande - han som gjorde tenesta i åttande månaden - var Sibbekai av Husa-greini i Serah-ætti. Hans herflokk var og på fire og tjuge tusund mann.

¹²Den niande - han som gjorde tenesta i niande månaden - var Abieser frå Anatot, av Benjamins-ætti. I hans herflokk var det og fire og tjuge tusund mann.

¹³Den tiande - han som gjorde tenesta i tiande månaden - var Maharai frå Netofa, av Serah-ætti. I hans herflokk var det og fire og tjuge tusund mann.

¹⁴Den ellevte - han som gjorde tenesta i ellevte månaden - var Benaja frå Piraton, av Efra'ims-borni. I hans herflokk var det og fire og tjuge tusund mann.

¹⁵Den tolvte - han som gjorde tenesta i tolvte månaden - var Heldai frå Netofa; han var ætta frå Otniel. I hans herflokk var det og fire og tjuge tusund mann.

¹⁶Dei som stod fyre Israels-ættene var: hjå rubenitane Elieser Sikrison, hjå simeonitane Sefatja Ma'akason,

¹⁷hjå Levi Hasabja Kemuelsson, hjå Arons-ætti Sadok,

¹⁸hjå Juda Elihu, ein av brørne åt David, hjå Issakar Omri Mikaelsson,

¹⁹hjå Sebulon Jismaja Obadjason, hjå Naftali Jerimot Asrielsson

²⁰hjå Efra'ims-borni Hosea Asasjason, hjå halve Manasse-ætti Joel Pedajason,

²¹hjå halve Manasse-ætti i Gilead, Jiddo Sakarjason, hjå Benjamin Ja'asiel Abnersson,

²²hjå Dan Asar'el Jerohamsson. Dette var hovdingane for Israels-ættene.

²³Men David tok ikkje tal på dei som var under tjuge år; for Herren hadde sagt at han vilde auka Israels-folket, so dei vart likso mange som stjernone på himmelen.

²⁴Joab Serujason tok til å telja, men fullførde ikkje teljingi; for Guds vreide kom yver Israel for det som var gjort, og talet vart ikkje nemnt i manntalet i kong Davids krønikebok.

²⁵Asmavet Adielsson hadde tilsyn med skattane åt kongen og Jonatan Ussiason med forrådi på marki og i byane og grendene og borgene.

²⁶Esri Kelubsson såg til med folket som arbeidde på marki og dyrka jordi.

²⁷Sime'i frå Rama vart sett yver vinhagane og Sabdi, sifmiten, yver vinforrådi i vinhagane.

²⁸Ba'al-Hanan frå Geder hadde tilsyn med oljetrei og morbærtrei i låglandet og Joas med oljeforrådi.

²⁹Sitrai frå Saron såg til med storfeet som gjekk på beite i Saron, og Safat Adlaison med storfeet i dalane,

³⁰Obil, ismaeliten med kamelane og Jehdeja frå Meronot med asnone.

³¹Jasi, hagariten, hadde tilsyn med småfeet. Alle desse var tilsynsmenner yver eigedomen åt kong David.

³²Jonatan, farbror åt David, var rådgjevar. Han var ein vitug og skriftlærd mann. Jehiel Hakmonison fylgde alltid kongssønene.

³³Akitofel var rådgjevaren åt kongen, og Husai av Ark-ætti var venen åt kongen.

³⁴Etter Akitofel kom Jojada Benajason, og Ebjatar. Joab var herhovdingen åt kongen.