Read nynorsk 1938 Fyrste Krønikebok 3 Bible Online

Fyrste Krønikebok 3 - nynorsk 1938 bible

Fyrste Krønikebok 3

¹Dette var sønene åt David, dei som han fekk i Hebron: Fyrste sonen sin, Amnon, fekk han med Akinoam frå Jisre'el. Den andre, Daniel, fekk han med Abiga'il frå Karmel. /[9]

²Den tridje, Absalom, var son åt Ma'aka, som var dotter åt Talmai, kongen i Gesur; den fjorde, Adonja, var son åt Haggit.

³Den femte, Sefatja, fekk han med Abital, den sette, Jitream, med Egla, ei av konone sine.

⁴Desse seks fekk han i Hebron, der sat han konge i sju år og seks månader, og i tri og tretti år sat han konge i Jerusalem.

⁵Dette er dei sønene han fekk i Jerusalem: Simea og Sobab og Natan og Salomo - desse fire fekk han med Batsua Ammielsdotter - /[10]

⁶og Jibhar og Elisama og Elifelet,

⁷og Nogah og Nefeg og Jafia,

⁸Elisama og Eljada og Elifelet; dei var ni i talet.

⁹Dette var alle sønene hans David umfram sønene han fekk med fylgjekonone. Tamar var syster deira.

¹⁰Son åt Salomo var Rehabeam; hans son var Abia; hans son var Asa; hans son var Josafat;

¹¹Hans son var Joram, hans son var Akasja; hans son var Joas;

¹²hans son var Amasja; hans son var Asarja; hans son var Jotam;

¹³hans son var Akas; hans son var Esekias; hans son var Manasse;

¹⁴hans son var Amon; hans son var Josias.

¹⁵Av sønene hans Josias heitte den eldste Johanan, den andre Jojakim, den tridje Sedekias, den fjorde Sallum.

¹⁶Av borni åt Jojakim heitte ein son Jekonja og hans son Sedekias.

¹⁷Dei sønene som Jekonja fekk medan han sat fange, var Sealtiel, son hans,

¹⁸og Malkiram og Pedaja og Senassar, Jekamja, Hosama og Nedabja.

¹⁹Sønene åt Pedaja var Serubabel og Sime'i; og sønene hans Serubabel var Mesullam og Hananja - dei hadde ei syster som heitte Selomit -

²⁰og Hasuba, Ohel og Berekja, Hasadja og Jusab-Hesed, fem i talet.

²¹Sønene åt Hananja var Pelatja og Jesaja og Refaja-sønene, Arnans-sønene, Obadja-sønene og Sekanja-sønene.

²²Son åt Sekanja var Semaja; og sønene hans Semaja var Hattus og Jigal og Bariah og Nearja og Safat, seks i talet.

²³Sønene hans Nearja var Eljoenai og Hiskia og Asrikam, tri i talet.

²⁴Sønene åt Eljoenai var Hodaiva og Eljasib og Pelaja og Akkub og Johanan og Delaja og Anani, sju i talet.